د آسټرالیا د کورنیو چارو وزارت په تېرو څه باندې دوه نیمو کلونو کې له ۱۸ زرو څخه زیاتو افغانانو ته بشردوستانه ویزې ورکړي دي.
په افغانستان کې د جمهوریت له سقوط وروسته د آسټرالیا حکومت د افغانستان اوسېدونکو لپاره ۲۶ زره او ۵۰۰ بشردوستانه ویزې اعلان کړې ترڅو په څلورو کلونو کې په شرایطو برابرو افغانانو ته ورکړل شي.
اس بي اس پښتو معلومات ترلاسه کړي چې د جمهوریت له سقوط وروسته د ۲۰۲۴ کال د مارچ تر ۳۱مې نېټې ۱۸،۳۴۸ افغانانو ته بشردوستانه ویزې ورکړل شوي دي.
د افغانانو لپاره د اعلان شویو بشردوستانه ویزو په پام کې نیولو سره ویلی شو چې د جمهوریت له سقوط وروسته شاوخوا ۷۰ سلنه بشردوستانه ویزې صادرې شوي او ۳۰ سلنه لا تراوسه پاتې دي.
LISTEN TO
د آسټرالیا د ویزو د بېلابېلو ډولونو په اړه مهم معلومات
15:17
په افغانستان کې د جمهوریت له سقوط وروسته (د ۲۰۲۱ کال د آګسټ د پنځلسمې او د ۲۰۲۳ کال د ډسمبر تر ۳۱مې ڼېټې پورې) د بشردوستانه ویزو لپاره د افغانانو لخوا شاوخوا ۴۸ زره غوښتنلیکونه سپارل شوي.
په دغو غوښتنلیکونو کې د ۲۲۰ زره او ۷۸۷ کسانو لپاره د ویزو غوښتنه شوې.
د کورنیو چارو وزارت پر ویب پاڼه خپرې شوې شمېرې ښيي چې د ۲۰۲۳ کال تر پایه د شاوخوا ۷۰ زره افغانانو غوښتنلکونه رد شوي دي.
کومو کسانو ته لومړیتوب ورکول کېږي؟
د روان کال په پیل کې د کورنیو چارو وزارت یو ویاند، اس بي اس پښتو ته ویلي وه چې په ځانګړو شویو ویزو کې "لومړیتوب هغو کسانو ته ورکول کیږي چې له خپل هیواد څخه بهر دي" او له لاندې ډلو څخه وي:
- ښځې او نجونې، توکمیز اقلیتونه، +LGBTQI او نورې پیژندل شوې اقلیتي ډلې.
- د کډوالۍ او بشردوستانه ویزو لرونکو افغانانو د کورنۍ نږدې غړي ( ښځه او له ۱۸ کلونونو کم عمر لرونکي ماشومان).
- د آسټرالیا د حکومت لخوا تصدیق شوي پخواني محلي کارمندان (LEE) او د دوی د کورنۍ نږدې غړي (ښځه او له ۱۸ کلونونو کم عمر لرونکي ماشومان).
- هغه کسان چې د ملګرو ملتونو د عالي کمیشنرۍ (UNHCR) لخوا آسټرالیا ته د بیا مېشتېدنې لپاره معرفي شوي اوسي.
LISTEN TO
اوښبه افغانان او د آسټرالیا لومړني اوسېدونکي
16:12
د غوښتنلیکونو ارزونه د هر شخص ځانګړو شرایطو، موقعیت، د سفر امکاناتو، د اسنادو له سپارلو او د آسټرالیا د حکومت مامورینو ته لاسرسی سره تړلې خبره ده. په دې معنی چې د ځینو کسانو د غوښتنلیکونو ارزونه ممکن لږ او د ځینو نورو ډېر وخت ونیسي، خو د دقیق وخت په اړه یې تر اوسه معلومات ندي شریک شوي.
په بشردوستانه پروګرام کې د ویزې ټول غوښتنلیک سپارونکي کسان باید د ویزې معیارونه پوره کړي او د شخصیت، امنیت او روغتیا لپاره د عامه ګټو معیارونه پوره کړي کوم چې د ویزې له صادرولو مخکې ترسره کېږي.
د لا ډېرو او دقیقو معلوماتو لپاره مهرباني وکړئ د آسټرالیا د کورنیو چارو وزارت له .
