ປະຕິຮູບລະບົບກວດຄົນເຂົ້າເມືອງຂອງອອສເຕຣເລັຍ.
ຣັຖບານກາງມີກຳໜົດຈະຮ່າງຍຸດທະສາດການປະຕິຮູບລະບົບກວດຄົນເຂົ້າເມືອງຂອງອອສເຕຣເລັຍຄັ້ງໃຫຍ່.
ມັນມາຫຼັງຈາກການຄົ້ນພົບ ຂອງການທົບທວນ ທີ່ສໍາຄັນ ຄັ້ງທໍາອິດຂອງລະບົບໃນ 35 ປີ ທີ່ພົບວ່າມັນ "ເພພັງ" ແລະຈຳເປັນ ຕ້ອງສ້າງໃຫມ່ 10 ປີ, ໃນຂອບເຂດຕ່າງໆ ລວມທັງການຍົກຍ້າຍຖິ່ນຖານ ທີ່ມີທັກສະ (Skilled migration) ແລະມາດຕະການ ເພື່ອປ້ອງກັນການກົດຂີ່ຄ່າແຮງ.
Ruth McHugh-Dillon ລາຍງານ.
ຫຼາຍກວ່າເຈັດເດືອນ ຫລັງຈາກການພົບເຫັນ ຂອງການທົບທວນລະບົບກວດຄົນເຂົ້າເມືອງ ຂອງ Albanese ນັ້ນ, ນາຍົກຣັຖມົນຕີກ່າວວ່າ ໃກ້ຈະປະກາດຍຸດທະສາດໃຫມ່ແລ້ວ.
ລາຍງານ 200 ຫນ້າ, ນໍາໂດຍອະດີດຫົວຫນ້າ ບໍຣິການສາທາຣະນະ Martin Parkinson, ໄດ້ສລຸບກໍລະນີ "ການປະຕິຮູບຄັ້ງໃຫຍ່" ຂອງລະບົບ ເພື່ອຢຸດ ບໍ່ໃຫ້ກາຍເປັນປະເທດທີ່ມີຜູ້ອາສັຍ "ຊົ່ວຄາວຢ່າງຖາວອນ" ບ່ອນທີ່ການຈ່າຍເງິນຕ່ຳ ແລະການຂູດຮີດແຮງງານສາມາດເກີດຂຶ້ນໄດ້.
ການທົບທວນຄັ້ງໃຫຍ່ ຄັ້ງທໍາອິດ ຂອງລະບົບກວດຄົນເຂົ້າເມືອງ ໃນ 35ປີ ພົບວ່າ ການຍົກຍ້າຍຖິ່ນຖານທີ່ມີທັກສະ (Skilled migration) ຊົ່ວຄາວ ໄດ້ຊ່ວຍອັດຊ່ອງວ່າງທັກສະແຮງງານ, ໃນຂນະທີ່ສົ່ງເສີມ ການເຕີບໂຕທາງເສດຖະກິດ, ແຕ່ພົບວ່າມັນ "ບໍ່ກົງກັບເປົ້າຫມາຍຢ່າງມີປະສິດທິພາບ ຕໍ່ຄວາມຕ້ອງການ ທັງໃນປະຈຸບັນ ຫຼືໃນອະນາຄົດ"ຂອງອອສເຕຣເລັຍ.
ລາຍງານຍັງພົບວ່າ ລະບົບກວດຄົນເຂົ້າເມືອງ ທີ່ຄ້າງຄາຢູ່ ແລະເຕັກໂນໂລຊີທີ່ລ້າສມັຍໃນ Home Affairs ສະທ້ອນໃຫ້ເຫັນ ເຖິງຄວາມຮ້າຍແຮງຂອງບັນຫາຕ່າງໆ.
ນາຍົກຣັຖມົນຕີ Anthony Albanese ກ່າວວ່າ ການຄົ້ນພົບເຫລົ່ານັ້ນ ຈະສະທ້ອນໃຫ້ເຫັນຢູ່ໃນຍຸດທະສາດ ການຍົກຍ້າຍຖິ່ນຖານ ຂອງຣັຖບານ ໃນອາທິດນີ້ (ວັນຈັນ ທີ 11 ທັນວາ).
"ສິ່ງທີ່ເຮົາຮູ້ກໍຄື ເຮົາຕ້ອງມີລະບົບການຍົກຍ້າຍ ທີ່ຊ່ວຍໃຫ້ອອສເຕຣເລັຍ ໄດ້ຮັບທັກສະ ທີ່ເຮົາຕ້ອງການ ແຕ່ໃຫ້ແນ່ໃຈວ່າ ລະບົບນີ້ ເຮັດວຽກ ເພື່ອຜົນປໂຍດ ຂອງຊາວອອສເຕຣເລັຍທຸກຄົນ. ພວກເຮົາ ໄດ້ມີການທົບທວນຄັ້ງດຽວ ກ່ຽວກັບລະບົບການຍົກຍ້າຍຖິ່ນຖານ ໂດຍ Dr Martin Parkinson ອະດີດຫົວຫນ້າສຳນັກງານນາຍົກ ແລະຄນະຣັຖມົນຕີ. ແລະກໍພົບວ່າ ເປັນການຕັດສິນໃຈ ໂດຍເຈຕະນາ ທີ່ຈະລະເລີຍລະບົບ, ແລະວ່າ ມັນເພພັງຢ່າງຮ້າຍແຮງ, ອີງຕາມຄໍາເວົ້າຂອງ Mr Parkinson, ຈຶ່ງຕ້ອງໃຫ້ມີການບູຣະນະຄືນໃຫມ່ ສິບປີ. ສນັ້ນ, ພວກເຮົາຕັ້ງໃຈ ທີ່ຈະແກ້ໄຂເລື້ອງນີ້."
13 ເດືອນ ຫລັງຈາກຊາຍແດນຂອງອອສເຕຣເລັຍ ໄດ້ຖືກເປີດອີກ ເພື່ອໃຫ້ຜູ້ມາຈາກຕ່າງປະເທດ, ການຍົກຍ້າຍຖິ່ນຖານ ຈາກຕ່າງປະເທດສຸດທິ ຄຶດເປັນ 81 ເປີເຊັນ ຂອງການເຕີບໂຕ ຂອງປະຊາກອນ ຂອງປີ ໃນເດືອນມິຖຸນາ 2023.
ປະຊາກອນຂອງປະເທດ ໄດ້ເພີ່ມຂຶ້ນ 454,400 ຄົນ (ເປັນ 26.5 ລ້ານ) ຂັບເຄື່ອນໂດຍ ຈໍານວນຜູ້ມາເຖິງຈໍານວນຫຼາຍ ເມື່ອທຽບໃສ່ການເດີນທາງອອກນອກປະເທດ, ຊຶ່ງສະທ້ອນໃຫ້ເຫັນ ເຖິງການປ່ຽນແປງ ຂອງນັກສຶກສາຕ່າງຊາດ ທີ່ໄດ້ກັບຄືນ ຫຼັງຈາກສອງປີ ຂອງການປິດເຂດແດນ.
ຜົນກະທົບນັ້ນ ຄາດວ່າ ຈະເປັນການຊົ່ວຄາວ ເນື່ອງຈາກການກັບຄືນປະເທດ ຂອງນັກສຶກສາຕ່າງຊາດ ເລີ່ມກັບຄືນສູ່ລະດັບທີ່ຜ່ານມາ.
"ບໍ່ກົງກັບເປົ້າຫມາຍຢ່າງມີປະສິດທິພາບ ຕໍ່ຄວາມຕ້ອງການ ທັງໃນປະຈຸບັນ ຫຼືໃນອະນາຄົດ"ຂອງອອສເຕຣເລັຍ.Dr Martin Parkinson
ການຄາດການງົບປະມານ ມີການຍົກຍ້າຍຖິ່ນຖານສຸດທິ ຫຼຸດລົງຢ່າງຫຼວງຫຼາຍ ໃນທ້າຍປີງົບປະມານນີ້ ແຕ່ກໍຍັງສູງກວ່າ ອັດຕາສະເລັ່ຍກ່ອນການລະບາດ.
ທ່ານ Albanese ກ່າວວ່າ ລະດັບການເຂົ້າເມືອງ ແມ່ນບາງຢ່າງ ທີ່ຣັຖບານກາງ ຕ້ອງການທີ່ຈະກ້າວໄປສູ່ ລະດັບທີ່ຍືນຍົງ.
"ຈະມີການເພີ່ມຂຶ້ນສເມີ ຫຼັງ COVID ໃນຈໍານວນການຍົກຍ້າຍຖິ່ນຖານ ຂອງພວກເຮົາ, ແລະຕົວເລກສຸດທິ ສໍາລັບປະຊາກອນ ແມ່ນຕ່ຳກວ່າທີ່ຄາດໄວ້ ໃນຕອນນີ້, ກ່ອນການລະບາດທົ່ວໂລກ ເຮັດໃຫ້ແນ່ໃຈວ່າ ເຂດແດນຂອງພວກເຮົາຖືກປິດ. ແຕ່ສິ່ງທີ່ເຮົາຮູ້ກໍຄື ເຮົາຕ້ອງມີລະບົບການຍົກຍ້າຍຖິ່ນຖານ ທີ່ເຮັດໃຫ້ອອສເຕຣເລັຍ ໄດ້ຮັບທັກສະທີ່ເຮົາຕ້ອງການ ແຕ່ໃຫ້ແນ່ໃຈວ່າ ລະບົບນີ້ ກໍາລັງເຮັດວຽກ ເພື່ອຜົນ ປໂຍດຂອງຊາວອອສເຕຣເລັຍ ທຸກຄົນ."
ທ່ານກ່າວວ່າ Parkinson Review ໄດ້ລະບຸ ກໍລະນີຂອງການສແວງຫາຜົນປໂຍດ ຈາກລະບົບການຍົກຍ້າຍຖິ່ນຖານ ໂດຍພວກນັກສຶກສາຕ່າງຊາດ-ແລະຣັຖບານ ຈະຊອກຫາວິທີທີ່ຈະຢຸດສິ່ງນັ້ນ.
"ສິ່ງທີ່ພວກເຮົາໄດ້ເຫັນຈາກ Parkinson Review ແລະການທົບທວນອື່ນໆ ກ່ຽວກັບການຍົກຍ້າຍ ໄດ້ລະບຸວ່າ ໃນບາງກໍລະນີ ລະບົບຖືກລະເມີດ .ຜູ້ຄົນມາທີ່ນີ້, ການລົງທະບຽນໃນຫຼັກສູດ ທີ່ບໍ່ໄດ້ເພີ່ມທັກສະໃຫ້ກັບເຂົາເຈົ້າ ຫຼືຜົນປໂຍດຂອງຊາດນີ້. ສະນັ້ນ, ມັນບໍ່ແມ່ນຜົນປໂຍດຂອງເພື່ອນບ້ານ ຂອງພວກເຮົາ, ທັງບໍ່ແມ່ນຜົນ ປໂຍດ ຂອງອອສເຕຣເລັຍ, ທີ່ບໍ່ມີການປາບປາມເລື່ອງນີ້.
ນັກຮຽນເກົ່າປະມານ 250,000 ຄົນຢູ່ໃນອອສເຕຣເລັຍ ດ້ວຍວີຊາຊົ່ວຄາວທີ່ແຕກຕ່າງກັນ ຫຼັງຈາກການສຶກສາ ແລະການລະບາດ. ນັບແຕ່ເດືອນກັນຍາ, ວີຊາ Covid 408 ໄດ້ເລີ່ມອອກ, ກ່ອນຈະປິດລົງໃນເດືອນກຸມພາ 2024.
ໂຄສົກຝ່າຍຄ້ານ ຂອງຣັຖບານກາງ ກ່ຽວກັບການກວດຄົນເຂົ້າເມືອງ ທ່ານ Dan Tehan ກ່າວວ່າ ຫຼັງການລະບາດ, ທ່ານບໍ່ຄິດວ່າ ຣັຖບານໄດ້ຈັດການກັບນະໂຍບາຍ ການຍົກຍ້າຍຖິ່ນຖານໄດ້ດີ.
"ຍົກເລີກວີຊາ COVID ຕັ້ງແຕ່ມື້ອື່ນ. ເຂົາເຈົ້າ ຄວນເຮັດເມື່ອຫົກເດືອນກ່ອນ. ພວກເຂົາເຈົ້າ ຈໍາເປັນຕ້ອງຫຼຸດ ຈໍານວນນັກສຶກສາຕ່າງຊາດ, ພວກເຂົາເຈົ້າ ຄວນຈະເຮັດແບບນັ້ນ ເມື່ອຫຼາຍເດືອນກ່ອນ. ແຕ່ສິ່ງທີ່ເຮົາໄດ້ເຫັນກໍຄື ເຂົາເຈົ້ານັ່ງທັບມືຂອງໂຕເອງຢູ່ ໂດຍບໍ່ໄດ້ເຮັດຫຍັງເລີຍ. ຫຼາຍກວ່າເຄິ່ງລ້ານຄົນ ເຂົ້າມາໃນນີ້ໃນ 12 ເດືອນ ເມື່ອທ່ານມີວິກິດການເຊົ່າ, ທ່ານມີວິກິດການ ດ້ານທີ່ຢູ່ອາສັຍ, ປະຊາຊົນ ບໍ່ສາມາດໄປຫານາຍໝໍ. ມັນເປັນປັນຫາ ທີ່ຣັຖບານເປັນຜູ້ສ້າງເອງ."
Fiona Webb, ນັກວິເຄາະຂອງ Deloitte ກ່ຽວກັບບັນຫາຄົນເຂົ້າເມືອງ, ກ່າວວ່າ ການເຊື່ອມໂຍງ ລະຫວ່າງລະດັບການຍົກຍ້າຍຖິ່ນຖານ ແລະຄວາມກົດດັນດ້ານຄ່າຄອງຊີບ ແມ່ນບໍ່ມີຄວາມຊັດເຈນ.
"ມັນເປັນເລື່ອງທີ່ຫຍຸ້ງຍາກຫຼາຍ. ຖ້າທ່ານເບິ່ງກຸ່ມວີຊາຂອງນັກສຶກສາໄດ້ມີການຂັບເຄື່ອນນັກສຶກສາ ທີ່ຖືວີຊາ ຈະຕ້ອງຢູ່ໃນປະເທດອອສເຕຣເລັຍ ແລະກັບຄືນໄປຮຽນທີ່ອອສເຕຣເລັຍ. ແລ້ວສິ່ງນັ້ນ ກໍໄດ້ສ້າງຄວາມກົດດັນ ໃນດ້ານຕ່າງໆຂອງເສດຖະກິດ-ໂດຍສະເພາະບ້ານເຮືອນ ແມ່ນປັດຈັຍສໍາຄັນ. ແຕ່ພວກເຮົາ ຕ້ອງຊັ່ງຊາວ່າ ຜູ້ຍົກຍ້າຍຖິ່ນຖານຂອງພວກເຮົາ ຜູ້ໃດກໍມີສ່ວນ ໃນການຊ່ອຍເສດຖະກິດເຊັ່ນກັນ, ໃນເລື້ອງຂອງການໃຊ້ຈ່າຍ, ພວກເຂົາຈ່າຍພາສີ, ສ້າງຜົນປໂຍດສຸດທິ ເຊັ່ນກັນ. ສະນັ້ນ, ມັນຈຶ່ງເປັນເລື້ອງຍາກແທ້ໆ ເພາະມັນຊ້າເກີນໄປ ທີ່ຈະແກ້ໄຂປັນຫານັ້ນ, ໃນການຮູ້ວ່າ ປັດຈັຍໃດ ທີ່ກ່ຽວຂ້ອງກັບການຂັບເຄື່ອນສິ່ງຕ່າງໆ ເຊັ່ນຄວາມກົດດັນດ້ານຄ່າຄອງຊີບ ແລະປັດຈັຍຄວາມຖົດຖອຍ ຂອງເສດຖະກິດ ທີ່ອາດເກີດຂຶ້ນ."
ລາວເວົ້າວ່າ ການເພີ້ມຂຶ້ນ ຂອງລະດັບການຍົກຍ້າຍຖິ່ນຖານ ຫຼັງຈາກການລະບາດ ນັ້ນແມ່ນມີຢູ່ ແຕ່ບໍ່ຄວນຈະຫຼາຍເກີນໄປ.
ລາວກ່າວວ່າ ການຕັ້ງຄ່າການຍົກຍ້າຍ ທີ່ມີທັກສະໃຫ້ຖືກຕ້ອງ ຈະເປັນປັດຈັຍສໍາຄັນ ໃນການເຮັດໃຫ້ລະບົບເຮັດວຽກໄດ້ດີ.
"ຈາກມຸມມອງດ້ານທັກສະ ຍັງຄົງມີຄວາມຈໍາເປັນຢ່າງແນ່ນອນ ໃນເສດຖະກິດຂອງພວກເຮົາ ສໍາລັບຄົນທີ່ເຮັດວຽກ ແລະສ່ວນຮ່ວມຫຼາຍຂຶ້ນ. ດັ່ງນັ້ນ, ມັນຈຶ່ງເປັນການຍາກ ທີ່ຈະເບິ່ງການຍົກຍ້າຍ ເປັນປັດຈັຍຫນຶ່ງ. ມັນມີສ່ວນຢ່າງແນ່ນອນ. ແຕ່ຜົນປໂຍດໂດຍລວມ ຂອງການຍົກຍ້າຍ ໄປຢູ່ອອສເຕຣເລັຍ ໃນແງ່ຂອງແຮງງານຂອງພວກເຮົາ, ຍັງຕ້ອງໄດ້ນຳມາພິຈາຣະນາ ເມື່ອພວກເຮົາເບິ່ງເລື້ອງນີ້."
ລາຍລະອຽດທັງໝົດ ກ່ຽວກັບການແກ້ໄຂລະບົບກວດຄົນເຂົ້າເມືອງ ຮວມທັງກົດລະບຽບໃຫມ່ ສໍາລັບຜູ້ຖືວີຊາຊົ່ວຄາວ ຄາດວ່າຈະຖືກເປີດເຜີຍໃນວັນຈັນ 11 ທັນວາ ໂດຍຣັຖມົນຕີ Home Affairs ທ່ານນາງ Clare O'Neil.
ເນື້ອເລື່ອງໂດຍ Ruth McHugh-Dillon ຂ່າວ SBS News,
ຈັດທຳໂດຍ ສັກ ພູມີຣັຕນ໌ ວິທຍຸ SBS ພາກ ພາສາລາວ.
ທ່ານສາມາດຕິດຕາມຂ່າວສານຫຼ້າສຸດ ຈາກ ອອສເຕຣເລັຍ ແລະທົ່ວໂລກ ເປັນພາສາລາວຈາກ ເອສບີເອສ ລາວ ໄດ້ທີ່ເວັບໄຊ້ຕ໌
