ວິທີການ ຜູ້ສນັບສນູນຊາດທໍາອິດ

ຜູ້ສນັບສນູນ ຊາດທໍາອິດ ຊ່ວຍຂຍາຍສຽງ ຂອງຊຸມຊົນຊາວພື້ນເມືອງ ໃນອອສເຕຣເລັຍ. ຕໍ່ໄປນີ້ ແມ່ນບາງສິ່ງ ທີ່ຄວນພິຈາຣະນາ ກ່ຽວກັບການສນັບສນຸນ ແລະການ "ເປັນພັນທະມິດ" ກັບຊຸມຊົນ First Nations.

Young aboriginal students studying together outdoors in the sun in Australia. Credit: SolStock/Getty Images

ຈຸດສໍາຄັນ

• ຫາຄວາມຮູ້ ກ່ຽວກັບປວັດສາດ ຂອງຊຸມຊົນຂອງຊາດທໍາອິດ (First Nations) ແລະເຂົ້າໃຈ ເຖິງຄວາມສໍາພັນ ທີ່ເຂົາເຈົ້າ ເຄີຍມີກັບຄົນ ທີ່ບໍ່ແມ່ນຊາວພື້ນເມືອງ.people.
• ຮຽນຮູ້ ກ່ຽວກັບເຈົ້າຂອງດັ້ງເດີມ ຂອງທີ່ດິນທີ່ທ່ານອາສັຍຢູ່.
• ຊຸມຊົນຫຼາຍວັດທະນະທັມ ສາມາດດຶງເອົາ ແລະສ້າງປະສົບການຮ່ວມກັນ

ການເປັນພັນທະມິດ ຂອງ First Nations ຫມາຍເຖິງ ບຸກຄົນທີ່ຢືນຢູ່ກັບ ແລະ ສນັບສນູນເລື່ອງ ແລະສາເຫດຕ່າງໆ ທີ່ມີຄວາມສໍາຄັນ ຕໍ່ຊຸມຊົນຊາວພື້ນເມືອງຢ່າງແຂງຂັນ, Dr Summer May  Finlay, ແມ່ຍິງຊາວ Yorta Yorta ອະທິບາຍ.

Dr Summer May Finlay.

"ການມີພັນທະມິດຢູ່ກັບພວກເຮົາ ຈະຊ່ວຍໃຫ້ພວກເຮົາ ຂຍາຍສຽງ ແລະຂຍາຍບັນຫາ ຂອງພວກເຮົາຫຼາຍຂຶ້ນ. ເຫັນໄດ້ຢ່າງຊັດແຈ້ງວ່າ ມັນສໍາຄັນເມື່ອສນັບ ສນູນການປ່ຽນແປງ." ລາວກ່າວ.

ເຖິງແມ່ນວ່າ ບໍ່ມີເສັ້ນທາງທີ່ກຳໜົດໄວ້, ແຕ່ກໍມີ ສິ່ງທີ່ຜູ້ທີ່ບໍ່ແມ່ນ ຊາວພື້ນເມືອງ ສາມາດເຮັດໄດ້ ເພື່ອຈະກາຍເປັນພັນທະມິດ.

ໃຫ້ຄວາມຮູ້ກັບຕົນເອງ

ເຊັ່ນດຽວກັບຄວາມສໍາພັນອື່ນໆ, ບາດກ້າວທໍາອິດ ທີ່ຈະກາຍເປັນພັນທະມິດທີ່ດີ ແມ່ນ "ທຳຄວາມຮູ້ຈັກກັບປະຊາຊົນ" Karen Mundine, ຜູ້ຍິງຊາວ Bundjalung ແລະ CEO ຂອງ Reconciliation Australia ກ່າວ.

"ມັນຕ້ອງເລີ່ມຕົ້ນ ດ້ວຍການທຳຄວາມເຂົ້າໃຈ ຄວາມສໍາພັນ ແລະ ສະຖານະການ ທີ່ພວກເຮົາຢູ່ໃນປັດຈຸບັນ ກັບຄົນຊາດທໍາອິດ ແລະຊາວອອສເຕຣເລັຍຄົນອື່ນໆ, ແລະເຂົ້າໃຈປວັດສາດ, ສິ່ງທີ່ໄດ້ເກີດຂຶ້ນໃນຄວາມສໍາພັນນັ້ນ."

ນາງກ່າວຕື່ມວ່າ ຂັ້ນຕອນນີ້ ສາມາດເສີມສ້າງຊີວິດ ຂອງຊາວອອສເຕຣເລັຍໄດ້.

ທ່ານນາງ Mundine ກ່າວວ່າ "ມັນໃຫ້ໂອກາດພວກເຂົາເຈົ້າ ທີ່ຈະສ້າງຄວາມສຳພັນຂອງຕົນເອງ ກັບຜູ້ຄົນ ແລະກັບປະເທດ ແລະກັບສະຖານທີ່."

CEO of Reconciliation Australia, Karen Mundine Credit: Reconciliation Australia Credit: Joseph Mayers/Joseph Mayers Photography

ມັນເປັນສິ່ງສໍາຄັນ ທີ່ຜູ້ທີ່ບໍ່ແມ່ນ ຊາວພື້ນເມືອງ ໃຊ້ເວລາ ໃນການໃຫ້ຄວາມຮູ້ແກ່ຕົນເອງ ໂດຍໃຊ້ແຫຼ່ງຂໍ້ມູນທີ່ເຊື່ອຖືໄດ້, ດຣ Finlay ກ່າວຕື່ມອີກ.

ນາງກ່າວວ່າ "ພັນທະມິດ ແມ່ນຜູ້ທີ່ໃຊ້ເວລາ ໃນການໃຫ້ຄວາມຮູ້ແກ່ຕົນເອງ, ເນື່ອງຈາກວ່າ ພວກເຮົາເປັນພຽງແຕ່ ສາມສ່ວນຮ້ອຍຂອງປະຊາກອນ.”

"ຖ້າເຮົາພະຍາຍາມໃຫ້ຄວາມຮູ້ແກ່ທຸກຄົນ ເຮົາກໍຈະບໍ່ເຮັດຫຍັງອີກເລີຍ."

ໃນຂນະທີ່ມີຊັບພະຍາກອນຫຼາຍຢ່າງ ທີ່ຈະຮຽນຮູ້ກ່ຽວກັບປະຊາຊົນຂອງ First Nations, ທ່ານນາງ Mundine ເຊື່ອວ່າ ຈຸດເລີ່ມຕົ້ນທີ່ດີ ແມ່ນການຮຽນຮູ້ ກ່ຽວກັບ ເຈົ້າຂອງດັ້ງເດີມຂອງທີ່ດິນ ທີ່ທ່ານອາສັຍຢູ່, ຜ່ານອົງການ First Nations ແລະເທດສະບານທ້ອງຖິ່ນ.

Dr Finlay ກ່າວວ່າ ການປອງດອງ ອອສເຕຣເລັຍ (Reconciliation Australia) ຫລືສະພາການປອງດອງ ໃນຣັດຂອງທ່ານ ແມ່ນຢູ່ໃນບັນດາແຫລ່ງຊັບພະຍາກອນ.

ເຫັນຄວາມເທົ່າທຽມກັນຂອງທຸກຄົນ

Luke Pearson, ຜູ້ຊາຍຊາວ Gamilaraay, ແລະຜູ້ກໍ່ຕັ້ງຂອງ Indigenous X, ເປັນເວທີອອນໄລນ໌ ທີ່ສະແດງ ແລະສເລີມສລອງ ສຽງຂອງຊາວພື້ນເມືອງ ທີ່ແຕກຕ່າງກັນ.

ເຖິງແມ່ນວ່າ ທຸກຄົນສາມາດມີບົດບາດ ໃນການປ່ຽນແປງໃນທາງບວກ, ແຕ່ລາວອະທິບາຍ ເຖິງຄວາມຮູ້ສຶກຂອງລາວທີ່ ມີຕໍ່ຄໍາວ່າ “ພັນທະມິດ” ແລະ “ຄວາມເປັນພັນທະມິດ” ໃນບໍຣິບົດ (Context) ນີ້.

Founder of Indigenous X platform, Luke Pearson

"ເຫດຜົນ ທີ່ຂ້າພະເຈົ້າບໍ່ມັກຄໍາສັບນັ້ນ ຄືພະຍາຍາມທີ່ຈະ ແຍກເອົາຄົນທີ່ບໍ່ແມ່ນຊາວພື້ນເມືອງ ອອກຈາກສາເຫດຂອງຄວາມຍຸຕິທັມຂອງຊົນຊາວ ພື້ນເມືອງ ແລະດັ່ງນັ້ນ, ຖ້າຫາກວ່າ ທ່ານເຮັດສິ່ງທີ່ດີ ແລະທ່ານກໍາລັງຊ່ວຍເຫຼືອ, ນັ້ນແມ່ນດີຫຼາຍ. ແຕ່ທ່ານບໍ່ຄວນຈໍາເປັນ ຕ້ອງມີປ້າຍ ຫຼືສະຕິກເກີ ຫຼືເຮັດໃຫ້ມັນ ກ່ຽວກັບທ່ານ ໃນລັກສນະນັ້ນ.

"ເປົ້າຫມາຍ ບໍ່ແມ່ນເພື່ອໃຫ້ທ່ານຮູ້ສຶກດີ. ເປົ້າຫມາຍແມ່ນ ເພື່ອປັບປຸງຜົນໄດ້ຮັບໃຫ້ແກ່ປະຊາຊົນພື້ນເມືອງ."

ເນື້ອເລື່ອງໂດຍ Yumi Oba  ຂ່າວ SBS News,

ຈັດທຳໂດຍ ສັກ ພູມີຣັຕນ໌ ວິທຍຸ SBS  ພາກ ພາສາລາວ.

ທ່ານສາມາດຕິດຕາມຂ່າວສານຫຼ້າສຸດ ຈາກ ອອສເຕຣເລັຍ ແລະທົ່ວໂລກ ເປັນພາສາລາວຈາກ ເອສບີເອສ ລາວ ໄດ້ທີ່ເວັບໄຊ້ຕ໌ sbs.com.au/lao

ທ່ານຍັງສາມາດ ຕິດຕາມທາງ facebook ໄດ້ທີ່ facebook.com/sbslao