འཕྲལ་སེལ་སྨན་བཅོས་ (first aid) ཀྱི་སྦྱོང་བརྡར་གང་དུ་བྱེད་དམ།

ས་ཆ་གང་དུ་ཡོང་ཀྱང་། གློ་བུར་དུ་ན་བ་དང་དོན་རྐྱེན་འབྱུང་སྲིད་པ་རེད། འཕྲལ་སེལ་སྨན་བཅོས་སྦྱོང་བརྡར་ཡོད་པ་ལ་བརྟེན་ནས་ཛ་དྲག་གི་གནས་སྟངས་སྐབས་སུ་ཁྱད་པར་ཆེན་པོ་བཟོ་ཐུབ་པ་རེད། ཨོ་སི་ཊོ་ལི་ཡའི་ནང་། རང་ཉིད་ཀྱི་དངུལ་དང་དགོས་མཁོ་ལ་འཚམ་པའི་སྦྱོང་བརྡར་བྱེད་ས་མང་པོ་ཡོད་པ་རེད།

First aid can help someone feel better, recover more quickly, or even save lives.

གཙོ་དོན་ཁག

• འཕྲལ་སེལ་སྨན་བཅོས་ནི་གནས་སྟངས་ཛ་དྲག་གི་སྐབས་སུ་ལམ་ཁ་ཡག་ཤོས་དེ་ཡིན་པ་རེད།
• དབུགས་གསོ་ཐབས་ CPR ཀྱི་སྦྱོང་བརྡར་ནི་འཕྲལ་སེལ་སྨན་བཅོས་བྱེད་པའི་སློབ་ཚན་གྱི་ནང་དོན་གཙོ་བོ་ཞིག་ཡིན་པ་དང་། དེའི་རྩ་འཛིན་གྱི་ལམ་སྟོན་ཡིག་ཆ་ཁག་འབྲེལ་ཡོད་ལས་ཁུངས་མཐོ་ཤོས་དེ་ཡིས་གཏན་འབེབ་བྱེད་ཀྱི་ཡོད་པ་རེད།
• འཕྲལ་སེལ་སྨན་བཅོས་སྦྱོང་བརྡར་གྱི་དུས་ཡུན་དང་བསླབ་གཞིའི་ནང་དོན། སྦྱོང་བརྡར་སྤྲོད་མཁན་གྱི་ཚོགས་པ་དང་། ལག་ལེན་བྱེད་ས་སོགས་ཁ་ཁ་ཡིན་པ་རེད།

ཕྱི་ལོ་ ༢༠༡༧ ལོར། རྒྱ་ཊམ་དམར་པོ་ཚོགས་པའི་སྙན་ཐོ་ལྟར་ན། ཨོ་སི་ཊོ་ལི་ཡ་ནང་ལོ་རེ་རེའི་ནང་། མི་གྲངས་ས་ཡ་ཕྱེད་ཀ་ཙམ་ཞིག་ལ་རྨས་སྐྱོན་བྱུང་ནས་སྨན་ཁང་ལ་འགྲོ་དགོས་འབྱུང་གི་ཡོད་ནའང་། འཕྲལ་སེལ་སྨན་བཅོས་སྦྱོང་བརྡར་ཡོད་མཁན་ཧ་ཅང་ཉུང་སྟབས། ཨོ་སི་ཊོ་ལི་ཡ་ནི་འཛམ་གླིང་ནང་གི་འཕྲལ་སེལ་སྨན་བཅོས་སྦྱོང་བརྡར་ཡོད་མཁན་ཉུང་ཤོས་གྲས་ཀྱི་ལུང་པ་ཞིག་ལ་ངོས་འཛིན་བྱས་ཡོད་པ་རེད།

Royal Life Saving Society ཚོགས་པས་ཚོད་རྩིས་བྱས་པ་ལྟར་ན། ཨོ་སི་ཊོ་ལི་ཡའི་ནང་ཉི་མ་རེའི་ནང་ཆ་སྙོམས་ཀྱིས་མི་ ༢༠ ཙམ་ལ་སྙིང་ཁྲག་འགག་ནས་འདས་གྲོངས་འགྲོ་ཡི་ཡོད་པ་དང་། མི་ལ་རྨས་སྐྱོན་བྱུང་བའི་ཁྲོད་ནས་ བརྒྱ་ཆའི་ ༦༠ ལ་འཕྲལ་སེལ་སྨན་བཅོས་བྱེད་དགོས་ཆགས་ཀྱི་ཡོད་པ་རེད།

Australian estimates suggest that less than one in three employees feels confident to perform first aid in a workplace emergency.

པཱ་ཁི་རི་ཌི་ (Buck Reed) ཡིས་ལོ་ངོ་ ༢༠ ལྷག་གི་རིང་ཛ་དྲག་སྨན་བཅོས་བྱས་མྱོང་ཡོད་པ་མ་ཟད། Western Sydney University ནང་གི་ཛ་དྲག་སྨན་བཅོས་དང་འབྲེལ་བའི་ཐོག་སློབ་ཁྲིད་གནང་མཁན་ཞིག་ཀྱང་ཡིན་པ་རེད།

མི་ཞིག་ལ་རྨས་སྐྱོན་བྱུང་བ་དང་བདེ་བོ་མེད་པའི་གནས་སྟངས་ཀྱི་སྐབས་སུ། རྨས་སྐྱོན་དེ་རང་ཉད་ཀྱི་ངོས་ནས་བདག་སྐྱོང་བྱེད་ཐུབ་པ་དེ་དང་། ཕྱོགས་གཞན་ཞིག་ནས། ལག་རྩལ་ཡོད་པ་ལ་བརྟེན་ནས་རང་ཉིད་ཀྱི་གདེང་ཚོད་ཀྱང་འཕེལ་བ་རེད། བྱས་ཙང་། འཕྲལ་སེལ་སྨན་བཅོས་སྦྱོང་བརྡ་བྱེད་པ་ནི་གཞན་ལ་སྨན་བཅོས་བྱེད་པ་གཅིག་པུ་ཙམ་མིན་པར། སེམས་ཁམས་ཀྱི་ཆ་ནས་བཤད་ནའང་སེམས་ལ་གྲ་སྒྲིག་ཅིག་ཡོད་པ་ལ་བརྟེན་ནས་དོན་རྐྱེན་བྱུང་བའི་སྐབས་སུ་སེམས་ལྷོད་ལྷོད་གནས་པ་རེད། ཅེས་བརྗོད་བྱུང་།

སྔོན་ཚུད་ནས་རང་ཉིད་ལ་འཕྲལ་སེ་སྨན་བཅོས་ཀྱི་སྦྱོང་བརྡར་ཡོད་ཚེ། ཛ་དྲག་གི་གནས་སྟངས་དེ་ཇེ་སྡུག་ཏུ་མི་འགྲོ་བ་བཟོ་ཐུབ་པ་རེད།

པཱ་ཁི་རི་ཌི་ནི་དགེ་རྒན་ཆེན་མོ་ཞིག་ཡིན་པ་རེད།

ཡང་ཁོང་གིས། འཕྲལ་སེལ་སྨན་བཅོས་སྦྱོང་བརྡར་སྤྲོད་དགོས་པའི་རྒྱུ་མཚན་ནི། དོན་རྐྱེན་བྱུང་ནས་ལུས་པོ་ལ་རྨ་སོགས་བཟོས་ཡོད་པའི་སྐབས་སུ། སྨན་ཁང་ལ་མ་སླེབས་གོང་ནས་འཕྲལ་སེལ་སྨན་བཅོས་བྱེད་པ་དང་། ཡང་ན། གནས་སྟངས་ཛ་དྲག་གི་སྐབས་སུ་འཕྲལ་སེལ་གྱི་སྨན་བཅོས་བྱས་ནས་མིའི་ཚེ་སྲོག་སྐྱོབ་པའི་ཆེད་དུ་ཡིན་སྐོར་བརྗོད་དོན།

སྦྱོང་བརྡར་སྤྲོད་མཁན་ཞིག་གདམ་གསེས་བྱེད་པ།

འཕྲལ་སེལ་སྨན་བཅོས་སྦྱོང་བརྡར་ཀྱི་སློབ་ཚན་གྱི་ནང་། དབུགས་ཆད་ནས་དྲན་པ་བརྒྱལ་བའི་སྐབས། ལག་ཐབས་སྤྱད་ནས་དབུགས་གསོ་ཐབས་ (CPR) དང་། འཕྲུལ་ཆས་སྤྱད་ནས་དབུགས་གསོ་ཐབས་བཅས་སློབ་ཁྲིད་བྱེད་པ་རེད།

མི་ཞིག་དབུགས་ཆད་པའི་སྐབས་སུ། ཐབས་ལམ་དེ་གཉིས་ནི་ཚེ་སྲོག་སྐྱོབ་བའི་ཐབས་ལམ་གལ་ཆེན་གཉིས་ཡིན་པ་རེད།

There were over 26,000 out-of-hospital cardiac arrests in Australia in 2019. It is estimated that 75% of cardiac arrests occur at home or in a private setting.

པཱ་ཁི་རི་ཌི་ (Buck Reed) ཡིས་བརྗོད་ན། ཨོ་སི་ཊོ་ལི་ཡའི་ནང་། ལག་ཐབས་སྤྱད་ནས་དབུགས་གསོ་ཐབས་ (CPR) དེ་ནི་ཨོ་སི་ཊོ་ལི་ཡའི་ Australian Resuscitation Council ཚོགས་པའི་ལམ་སྟོན་བཞིན་སྦྱོང་བརྡར་སྤྲོད་དགོས་པ་ཞིག་ཡིན་འདུག

Australian Resuscitation Council ཚོགས་པ་ནི་ཨོ་སི་ཊོ་ལི་ཡའི་ནང་། ལག་ཐབས་སྤྱད་ནས་དབུགས་གསོ་ཐབས་ (CPR) ལག་ལེན་བྱེད་པའི་སྒྲིག་གཞི་བཟོ་མཁན་གྱི་ལས་ཁུངས་མཐོ་ཤོས་དེ་ཡིན་པ་རེད། དེའི་ཁོངས་སུ་སློབ་གྲྭ་ཆེན་པོ་ནང་གི་ཛ་དྲག་སྨན་བཅོས་སྡེ་ཚན་ཁག་དང་། ཛ་དྲག་མྱུར་སྐྱོབ་རླངས་འཁོར་ཚོགས་པ་སོགས་ཚོགས་པ་ཆེན་པོ་ཉི་ཤུ་ཙམ་ཡོད་པ་རེད།

Australian Resuscitation Council ཚོགས་པའི་ལམ་སྟོན་ཡིག་ཆ་ཁག་ནི་ཛ་དྲག་གི་གནས་སྟངས་ཀྱི་སྐབས་སུ་འཕྲལ་སེལ་སྨན་བཅོས་བྱེད་ཐབས་ཡག་ཤོས་ལ་ངོས་འཛིན་བྱེད་ཀྱི་ཡོད་པ་དང་། ཚོགས་པ་དེའི་ལས་འགན་གཙོ་བོ་ནི་འཕྲལ་སེལ་སྨན་བཅོས་སྦྱོང་བརྡར་སྤྲོད་མཁན་གྱི་ཚོགས་པ་ཁག་ལ་དམིགས་ནས་ལམ་སྟོན་ཡིག་ཆ་ཚད་ལྡན་ཞིག་བཟོ་རྒྱུ་དེ་ཡིན་པ་རེད། དེ་ལ་བརྟེན་ནས་འཕྲལ་སེལ་སྨན་བཅོས་སྦྱོང་བརྡར་གྱི་སློབ་ཚན་ཁག་ Australian Resuscitation Council ཚོགས་པའི་ལམ་སྟོན་ཡིག་ཆ་ལ་རྩ་འཛིན་བྱས་ཡོད་པ་རེད།

ཕིན་ལེབ་མག་ནེལ་ (Finlay MacNeil) ནི་ནད་པ་ལ་གཤེགས་བཅོས་བྱེད་མཁན་གྱི་སྨན་པ་ཞིག་ཡིན་པ་དང་། ཨོ་སི་ཊོ་ལི་ཡ་དང་ནེའུ་ཛི་ལན་ཌི་གཉིས་ཀྱི་ Resuscitation Councils ཚོགས་པའི་འབྲེལ་མཐུད་པ་ཡིན་པ་རེད།

First aid training courses typically incorporate classroom simulations to prepare trainees to deal with emergency situations.

St John ནི་ཨོ་སི་ཊོ་ལི་ཡ་དང་ནེའུ་ཛི་ལན་ཌིའི་ནང་གི་འཕྲལ་སེལ་སྨན་བཅོས་སྦྱོང་བརྡར་སྤྲོད་མཁན་རྒྱ་ཆེ་ཤོས་ཆགས་ཡོད་པ་རེད། དེ་བཞིན་རྒྱ་ཊམ་དམར་པོ་ཚོགས་པ་དང་། Surf Life Saving དང་། the Royal Life Saving སོགས་ཀྱིས་ཀྱང་སྦྱོང་བརྡར་སྤྲོད་ཀྱི་ཡོད་པ་རེད།

ཨོ་སི་ཊོ་ལི་ཡའི་མངའ་སྡེ་དང་ཁུལ་ཁ་ཤས་ཀྱི་ནང་། སྔོན་ཆད་མྱུར་སྐྱོབ་རླངས་འཁོར་ཚོགས་པ་ཚོས་སྦྱོང་བརྡར་དེ་སྤྲོད་ཀྱིན་ཡོད་ནའང་། དེང་སྐབས་རེ་ཟུང་གིས་ད་དུང་མུ་མཐུད་ནས་སྤྲོད་ཀྱིན་ཡོད་པ་རེད།

ཆོག་མཆན་ཡོད་པའི་སྒེར་གྱི་ཚོགས་པ་ཚོས་ཀྱང་འཕྲལ་སེལ་སྨན་བཅོས་སྦྱོང་བརྡར་སྤྲོད་ཀྱི་ཡོད་པ་རེད། སྒེར་གྱི་ཚོགས་པ་ནས་སྦྱོང་བརྡར་གྱི་སློབ་ཚན་ལེན་དགོས་བསམ་ཚེ། གཞུང་གི་ངོས་འཛིན་ཡོད་པའི་སྦྱོང་བརྡར་སྤྲོད་མཁན་གྱི་ཚོགས་པ་ལ་འབྲེལ་བ་བྱེད་དགོས་པ་རེད།

རང་ཉིད་ལ་འཚམ་པའི་སློབ་ཚན་དེ་ལེན་དགོས།

འཕྲལ་སེལ་སྨན་བཅོས་ཀྱི་སློབ་ཚན་མང་ཆེ་ཤོས་ནི་དངོས་སུ་འཛིན་གྲྭའི་ནང་སློབ་ཁྲིད་བྱེད་ཀྱི་ཡོད་ནའང་། དྲ་ཐོག་ནས་སློབ་ཁྲིད་བྱེད་པ་དེ་འདྲའང་ཡོད་པ་རེད།

Some training providers offer one or more modules of first aid courses in video or webinar mode.

ཌ་པི་ལོ་ཝི་ (Deb Lowe) ནི་བྷི་རེ་སི་བྷན་ (Brisbane) ཁུལ་གྱི་རྒྱ་ཊམ་དམར་པོ་ཚོགས་པའི་ས་གནས་ཀྱི་འཕྲལ་སེལ་སྨན་བཅོས་ཀྱི་མགོ་བ་ཡིན་པ་རེད།

ཁོང་མོས། དངོས་སུ་འཛིན་གྲྭའི་ནང་སློབ་ཁྲིད་བྱེད་པ་དང་། དྲ་ཐོག་ནས་སློབ་ཁྲིད་བྱེད་པ་གཉིས་ཀ་མཉམ་དུ་ཡོད་པ་ལ་ཁེ་ཕན་མང་པོ་ཡོད་སྐོར་བརྗོད་བྱུང་།

མི་ཁ་ཤས་ནི་འཛིན་གྲྭ་ཞིག་གི་སྐབས་ལ་ཁོམ་པ་མ་བྱུང་བ་དང་། སློབ་ཚན་དེ་ཤེས་པ་ལ་དུས་ཡུན་ལ་འགོར་བ། དེ་བཞིན་སློབ་ཚན་དེ་ཡང་བསྐྱར་ཀློག་དགོས་པ་སོགས་བྱེད་དགོས་ཀྱི་ཡོད་སྟབས། རང་ཉིད་ཀྱི་དུས་ཚོད་དང་བསྟུན་ནས་སློབ་སྦྱོང་བྱེད་པ་རེད།

ཡང་། དྲ་ཐོག་གི་སློབ་ཚན་ཁ་ཤས་ལ་ཡི་གེ་ཡི་ཐོག་ནས་འགྲེལ་བཤད་ཡོད་པ་དང་། སྐད་ཡིག་གཞན་གྱི་ཐོག་བསྒྱུར་ཐུབ་པའི་གནས་སྟངས་ཀྱང་ཡོད་པ་རེད།

ཕ་མ་དང་བྱིས་གཉོར་བ་ཚོས་བྱིས་པ་ཚོའི་ཆེད་དུ་དམིགས་བསལ་གྱི་འཕྲལ་སེལ་སྨན་བཅོས་ཀྱི་སྦྱོང་བརྡར་ལེན་ཆོག་གི་ཡོད་པ་རེད།

འཕྲལ་སེལ་སྨན་བཅོས་ཀྱི་སློབ་ཚན་ནང་ཚུད་པའི་ནང་དོན་ཁག

• བྱིས་པ་ཚོར་དམིགས་ནས་འཕྲལ་སེལ་སྨན་བཅོས་བྱེད་ཐབས་དང་དབུགས་གསོ་ཐབས།
• ཁྱིམ་ཚང་ནང་གི་བདེ་འཇགས་དང་ཉེན་ཁ་ཉུང་དུ་གཏོང་ཐབས།
• ཁྲག་འཛག་པ་དང་དང་། མིད་པ་འགག་པ་སོགས་ཀྱི་ཆེད་འཕྲལ་སེལ་སྨན་བཅོས་བྱེད་ཐབས།

Many organisations hold community first aid courses. Ask your doctor or maternal and child health nurse for more information.

འདི་ལྟ་བུའི་སྦྱོང་བརྡར་སྤྲོད་པའི་དམིགས་ཡུལ་ནི་གནས་ཚུལ་དེ་ཚོ་ཤེས་པ་ལ་བརྟེན་ནས་རང་ཉིད་ཀྱིས་ཕྲུ་གུ་གཉོར་སྐབས། སེམས་བདེ་པ་དང་གདེང་ཚོད་སྤྲོད་པ་རེད་ལ། གལ་སྲིད། མཁོ་གལ་བྱུང་ན། ཁ་པར་བརྒྱུད་ནས་སྨན་ཞབས་ཤིག་ལ་འབྲེལ་བ་བྱས་ནས་སྐད་ཆ་འདྲི་ས་ཞིག་ཀྱང་ཡོད་པ་ཤེས་ཐབས་བྱེད་ཆེད་ཡིན་པ་རེད།

ཨོ་སི་ཊོ་ལི་ཡའི་ནང་། འཕྲལ་སེལ་སྨན་བཅོས་སྦྱོང་བརྡར་གྱི་ལག་འཁྱེར་ལོ་གསུམ་རེའི་ནང་དུ་བསྐྱར་གསོ་བྱེད་དགོས་པ་དང་། ལོ་རེའི་ནང་དུ་ལག་ཐབས་སྤྱད་ནས་དབུགས་གསོ་ཐབས་ (CPR) དེ་བསྐྱར་སྦྱོང་རེ་བྱེད་པའི་རེ་སྐུལ་བྱེད་པ་རེད།

ལག་ཐབས་སྤྱད་ནས་དབུགས་གསོ་ཐབས་ (CPR) ཀྱི་ལག་རྩལ་དེ་བརྗེད་སླ་བོ་ཡོད་པ་རེད།

ཕིན་ལེབ་མག་ནེལ་ནི་ནད་པ་ལ་གཤེགས་བཅོས་བྱེད་མཁན་གྱི་སྨན་པ་ཞིག་ཡིན་པ་དང་། ཨོ་སི་ཊོ་ལི་ཡ་དང་ནེའུ་ཛི་ལན་ཌི་གཉིས་ཀྱི་ Resuscitation Councils ཚོགས་པའི་འབྲེལ་མཐུད་པ་ཡིན།

འཕྲལ་སེལ་སྨན་བཅོས་ཀྱི་སློབ་ཚན་གྱི་དུས་ཡུན་ནི་སློབ་ཚན་གྱི་ནང་དོན་དང་འབྲེལ་ནས་མི་གཅིག་པ་རེད། སློབ་ཚན་ཁ་ཤས་ཆུ་ཚོད་ཁ་ཤས་རིང་ཚར་འགྲོ་བ་དང་། ཡང་ཁ་ཤས་ཉིན་ཤས་རིང་ཡོད་པ་རེད། ཁ་ཤས་གཞུང་གིས་སྟངས་འཛིན་བྱེད་ཀྱི་ཡོད་པ་དང་། གཞན་གཞུང་གི་སྟངས་འཛིན་འོག་མེད་པ་རེད།

It is estimated that only 5% of Australians have a current first aid certificate.

པཱ་ཁི་རི་ཌི་ (Buck Reed) ཡིས། འཕྲལ་སེལ་སྦྱོང་བརྡར་ལེན་མཁན་ཚོས་རང་ཉིད་ཀྱི་ཁོར་ཡུག་དང་གནས་སྟངས་ལ་དཔག་ནས་འབྲེལ་ཡོད་ཀྱི་སློབ་ཚན་དེ་ལེན་དགོས་སྐོར་བརྗོད་བྱུང་།

སྦྱོང་བརྡར་སྤྲོད་མཁན་གྱི་ཚོགས་པ་ཚོས་གནས་སྟངས་དང་ཁོར་ཡུག་ལ་དཔག་ནས་འབྲེལ་ཡོད་ཀྱི་སློབ་ཚན་ཁག་སློབ་ཁྲིད་བྱེད་ཀྱི་ཡོད་པ་དང་། དོན་རྐྱེན་འདྲ་མིན་ལ་དཔག་ནས་བསླ་གཞི་གཏན་འབེབ་བྱས་ཡོད་པ་རེད། གལ་སྲིད། ཁྱེད་རང་གི་ལས་ཀའི་དགོས་མཁོ་དང་བསྟུན་ནས་སློབ་ཚན་ལེན་གྱི་ཡོད་ཚེ། ལས་ཀ་དང་འབྲེལ་བའི་སྦྱོང་བརྡར་དེ་ལེན་རྒྱུ་ཧ་ཅང་གལ་ཆེན་པོ་ཡིན་པ་རེད།

གཞུང་གི་སྤྲོད་པའི་སྦྱོང་བརྡར་སྤྲོད་ཀྱི་ཡོད་པ་ཕུད། གཞན། ཁེ་མེད་ཚོགས་པ་དང་། མྱུར་སྐྱོབ་རླངས་འཁོར་ཚོགས་པ་སོགས་ཀྱིས་ཀྱང་། རིན་མེད་ཀྱི་ཐོག་ནས་འཕྲལ་སེལ་སྨན་བཅོས་སྦྱོང་བརྡར་གྱི་སློབ་ཁྲིད་བྱེད་ཀྱི་ཡོད་པ་རེད།

ཡང་པཱ་ཁི་རི་ཌི་ཡིས། སྦྱོང་བརྡར་སྤྲོད་མཁན་ལ་གསམས་ཀ་མང་པོ་ཡོད་པ་ཚང་མ་ལ་བལྟ་དགོས་སྐོར་བརྗོད་བྱུང་།

འབྲེལ་ཡོད་ཀྱི་གནས་ཚུལ་གཞན།

• འཕྲོད་བསྟེན་དང་འབྲེལ་བའི་ལམ་སྟོན་ཞུ་བ་དང་འཕྲལ་སེལ་སྨན་བཅོས་བྱེད་པའི་གནས་ཚུལ་གྱི་ཐད་འདིར་གཟིགས། healthdirect.gov.au 
• ཨོ་སི་ཊོ་ལི་ཡའི་རྒྱ་ཊམ་དམར་པོ་ཚོགས་པའི་རིན་མེད་ཀྱི་མཉེན་ཆས་ free app ཐོག་འཕྲལ་སེལ་སྨན་བཅོས་དང་དབུགས་གསོ་ཐབས་ CPC སྐོར་ཀྱི་གནས་ཚུལ་མཁོ་སྤྲོད་བྱེད་ཀྱི་ཡོད་པ་རེད།
• St John Ambulance མྱུར་སྐྱོབ་རླངས་འཁོར་ཚོགས་པའི་མཉེན་ཆས་ downloadable step-by-step guides ཀྱི་ནང་། ཨ་རབ་དང་རྒྱ་ཡིག གྷི་རེ་ཁི་སོགས་ཀྱི་སྐད་ཀྱི་ནང་འཕྲལ་སེལ་སྨན་བཅོས་བྱེད་ཐབས་མཛུབ་ཁྲིད་བྱེད་པ་རེད།translated in Arabic, Traditional Chinese, Greek, Italian and Vietnamese. 
• Raising Children Network ཀྱི་དྲ་ངོས་ལ་ཕྱིན་ཚེ་ཕྲུ་གུ་དམར་འབྱར། བྱིས་གཉོར་ཁང་དུ་ཡོད་པ་དང་སློབ་ཆུང་སློབ་མའི་ལོ་ཚོད་རྣམས་ལ་འཕྲལ་སེལ་སྨན་བཅོས་བྱེད་ཐབས་ཀྱི་གནས་ཚུལ་རྒྱས་པ་ཡོད་པ་རེད། babies, toddlers, pre-schoolers and school-age children. 

ཛ་དྲག་གི་སྐབས་སུ། ཨང་གྲངས་ ༠༠༠ ལ་ཁ་པར་བཏང་ནས་རོགས་འབོད་བྱེད་དགོས་པ་དང་། ཁ་པར་བརྒྱུད་ནས་ཁྱེད་ལ་འཕྲལ་སེལ་སྨན་བཅོས་བྱེད་པ་ལ་རོགས་རམ་བྱེད་པ་རེད།