Oinsá atu prepara aplikasaun ba servisu: dalan ba atu hetan susesu.

Bainhira ita hetan ka haree anúnsiu kona-ba serbisu ne'ebé ita hakarak, importante tebes atu komprende dalan sira tuir mai. Prepara dokumentasaun ne'ebé presiza no kompriende rekrutador nia espetativa sei hasa'e ita-nia posibilidade atu asegura pozisaun ne'e.

Halo aplikasaun ba servisu presiza tempu no enerjia Credit: Moyo Studio/Getty Images

Pontu xave sira

• Ita-boot nia resume lista ita-boot sira-nia istória servisu, edukasaun no abilidade, no hatudu ita-boot sira-nia susesu
• Sempre hakerek ita nia resume tuir knar ne'ebe mak ita atu aplika ba
• Buka dalan atu hatudu Ita-nia abilidade no esperiénsia iha Ita-nia aplikasaun no entrevista servisu.

Empregadór ne'ebé di'ak sei halo entrevista ho telefone hodi fó feedback konstrutivu ba ita. Source: iStockphoto / nortonrsx/Getty Images/iStockphoto

Atu hatama aplikasaun ba servisu presiza tempu no enerjia, liuliu bainhira ita hahú ita-nia karreira iha Australia.

Iha Australia, maioria empregadór sira presiza evidénsia eskrita kona-ba ita-nia istória servisu no abilidade - no ida sei azuda sira hatene kona-ba ita nia abilidade antes sira konvida ita atu halo entrevista.

Oinsá atu lee anúnsiu kona-ba serbisu

Bainhira haree ba anúnsiu servisu nian, importante atu haree se indústria ne'ebé ita hili iha rekizitu espesiál ruma.

Mandy Ratcliffe, Service Delivery Manager at AMES Australia, hatete: "Karik sira presiza dokumentus hanesan hahalok diak husi polisia, sira mos sei presiza certidao kontrolu servisu ho labarik sira, rekizitu sira ne'e depende ba serbisu ne'ebé ita aplika ba.

Dalan importante tuirmai mak atu lee didi'ak anúnsiu kona-ba serbisu ne'e. Saida mak sira presiza iha knar ne'ebe ita ap hatete kona-ba knaar ne'e? Ita iha duni konhesementu ho talentu ne'ebé empregadór presiza ka lae?

Uluk nanain hare didiak anúnsiu servisu ne'e se aplika ba ita nia konhesementu ho esperensia ka lae. Depois hare lia fuan chave sira iha anúnsiu ne'e, haktuir husi Natalie Peart husi Jobspeak Academy. Natalie fo treiamentu ba profesional internasional sira atu oinsa hari'i kareira iha Australia.

Nia hatete " kuandu ita ko'alia kona-ba liafuan chave sira-ne'e, ita refere ba saida mak serbisu ne'e buka; matenek, kualifikasaun no esperiénsia ne'ebé serbisu ne'e hakarak"

" husi ne'e ita komesa hanoin oinsa mak ita bele hatudu ita nia matenek sira ne'e. Sei la to'o se ita dehan deit ita iha matenek ka konhesementu. Ita tenki prova liu husi ezemplu bainhira ita uza matenek ne'e.

Empregadór sira mos hakarak hare ita nia esperensia no konhesementu ne;e iha ita nia resume ka CV no ita nia karta kobertura ne'ebe ita haruka ba.

Dalan ida-ne'ebé lalais liu mak empregadór ida bele aprende kona-ba ita mak lee ita-nia kurríkulu vitae (cv) ka ita nia resumu. Source: Moment RF / Narisara Nami/Getty Images

Ita nia Resume ka CV

Dalan ne'ebé lalais liu mak empregadór ida bele aprende no hatene kona-ba ita mak lee ita-nia kurríkulu vitae (CV) ka resumu.

Ida ne'e dokumentu ne'ebé lista ita-nia istória servisu, edukasaun, abilidade no susesu normalmente iha pajina rua ka tolu. Ne'e mak oportunidade ita atu hatudu ita-nia forsa ba empregador sira.

La iha regra ne'ebé rigorozu bainhira kria resumu, no ita bele kria versaun oi-oin.

Rezumu di'ak liu ne'ebé ha'u haree iha ha'u-nia meza mak kostumeiru ba servisu ne'ebe ema aplika ba.

Ravi Moerman, People and Culture professional

Koko uza língua ne'ebé hanesan ne'ebe mak tau iha anunsio servisu nian ne'e. Ida-ne'e bele sai hanesan liafuan-xave, no referénsia.

La presiza inklui foto perfíl, data moris ka etniku.

Tuir Sr. Ravi Moerman husi Profesional People and Culture ka profesional rekursu umanu hatete katak" Buta hirak ne'e la relevante ba prosesu rekrutamentu no bele halo ita-boot sira ba diskriminasaun.

In Australia, it’s unlawful (iha Ausralia) ilegál ba ema atu husu kona-ba idade, relijiaun, abilidade fízika ka jéneru iha prosesu rekrutamentu nia laran.

Rekursu no modelu barak mak disponivel online, no servisu apoiu migrante sira hanesan AMES Australia no Sentru Rekursu Migrante (Migrant Resource Centres) bele azuda ita halo ka harii ita-nia resumu.

Hakerek karta kobertura (cover letter)

Empregadór sira mós baibain husu karta pájina ida ne'ebe bolu cover letter ka karta kobertura. Iha karta ne'e ita-boot sira iha oportunidade atu esplika tanba sa ita boot merese ka di'ak ba pozisaun ne'e.

Hanoin ba katak rekrutador sira haree karta barak, nune'e imi tenke hakerek karta ida ne'ebe bele kapta sira-nia interese.

Empregadór sira mós baibain husu karta pájina ida - ka karta kobertura. Iha ne'e mak ita-boot sira-nia oportunidade atu esplika saida mak book ita atu aplika no tanbasá mak serve ba pozisaun ne'e. Credit: Willie B. Thomas/Getty Images

Tuir Sr. Moerman "Ami lakohi haree resposta jerál iha karta sira, bainhira ita uza língua ne'ebé hanesan iha anunsio ba pozisaun ne'e, liafuan ne'e hatete ba lee-na'in sira katak: Hau investe hau nia tempu iha aplikasaun ne'e, no ha'u uza tempu atu hakerek hau nia resume"

Saida mak kriteriu selesaun?

Empregadór mós bele husu ita atu hatán ba pergunta ka kriteriu selesaun. Ita bele esplika kona-ba Ita-nia matenek no oinsa ita sei atribui ba servisu ne'ebe mak ita aplika ba no fo mos esemplu balun.

Se husu atu hatán ba kriteriu selesaun, ita-boot nia karta kobertura bele badak atu evita repetisaun. Maibé atu konsidera nu'udar konkorrente sériu ba kualkér pozisaun, tenke kompleta dokumentasaun hotu ne'ebé husu.

… no ikus mai

Lee fila fali dokumentus ne'ebe atu hatama (CV ho ita nia karta kobertura) no husu ema ruma atu haree no lee fali ita-nia aplikasaun, maski Ita-nia Ingles forte tebes.

Asegura katak ita-boot sira-nia detallu pesoál loos no ita-boot sira kumpre oráriu aplikasaun katak hatama tuir tempu ne'ebe mak fo.

Karik Ita bele pratika ho kolega sira atu prepara didi'ak ba entrevista servisu. Credit: fotostorm/Getty Images

Preparasaun ba entervista

Maski ema hotu haka'as an atu sai di'ak liu, só ema ne'ebé apropriadu liu ba pozisaun mak sei hetan konvite atu halo entrevista ho empregadór. Iha ne'e preparasaun sai xave importante ida.

Natalie hatete "Ita presiza lee fali anunsio ba pozisaun ne'e tanba iha ne'eba iha informasaun hotu ne'ebé rekrutador sira hakarak.

"Ita presiza hatene istória kona-ba Ita-nia esperiénsia atu nune'e Ita bele fó-hatene sira bainhira Ita uza ona matenek, no Ita presiza buka-hatene kona-ba organizasaun ne'e no komprende sira-nia valór no oinsá Ita adopta ka serve tuir sira-nia valor."

Ida fali mos, presiza prátika atu hatán pergunta ho kolega balun. Maski entrevista ida-idak la hanesan, maibé ita bele hetan ezemplu kona-ba pergunta komún sira online.

Mandy Ratcliffe fo konselhu kona-ba intervista ne'ebe mak diak atu hetan susesu.

"Importante tebes atu hatais ropa ne'ebe mak diak no respeita bainhira ita ba entrevista, no ita hatudu katak ita fiar metin ba ita-nia an."

Rekrutador australianu sira fo tebes valor ba komunikasaun ne'ebe autentiku.

Sra. Peat haktuir"Peskiza hatudu katak fatór ida-ne'ebé boot liu ba ema atu deside hodi hili kandidatu mak sira haree ema ne'ebe bele serve iha kulturá servisu fatin".

Sira hakarak hatene katak se ita ema di'ak atu tama iha sira-nia ekipa, no atu halo ida-ne'e sira presiza hatene lolos ita ne'e se.

Natalie Peart, Jobspeak Academy

A good employer will follow up an interview with a phone call to offer you constructive feedback. Source: iStockphoto / nortonrsx/Getty Images/iStockphoto

Tempu hein nian

Maske ida ne'e raru akontese, empregadór sira tenke rekoñese simu imi-nia aplikasaun liuhosi email no atualiza imi durante prosesu.

Se ita la hetan susesu, ita tenke hetan notifikasaun liuhosi email. Empregadór ne'ebé di'ak sei halo entrevista ho telefone hodi fó komentáriu konstrutivu kona-ba servisu ne'e.