Tom qab twb tau ze txog li 30 xyoo lawm uas tau muaj ib cov kev taw qhia ntawm ib tsab ntawv cej luam tseem ceeb hu ua Bringing Them Home los yog 'Rov qab coj lawv los tsev'.
Tsab ntawv cej luam no tau hais kom tsim ib cov kev pab cuam li them nyiaj paj tshab thiab ntsim ntau cov kev pab cuam pab Australia tej me nyuam neeg txum tim uas raug cais tawm ntawm lawv tsev neeg (Stolen Generations) uas tseem muaj txoj sia nyob ces tej koom haum pab tej neeg no rov qab hais kom tsoom fwv yuav tsum kub siab maj ceev nrooj nqes tes los pab tej neeg no.
Tej koom haum pab tej neeg txum tim no hais tias tsoom fwv tej kev pab cuam uas tsim los siv tawm sim no yeej tseem pab tsis tau cuag ncua raws li qhov tej neeg no xav tau, thiab yeej tseem tsis tau cov kev pab cuam ntawm xeev Western Australia thiab xeev Queensland.
Vim rau qhov tej koom haum li Healing Foundation thiab The Australian National University's First Nations Portfolio yeej tau qhia tias tej tsoom fwv Australia dhau los tej cai uas tau tsim siv txij xyoo 1910 txog rau lub caij xyoo 1970 uas tau muab ntau caum txheeb tus me nyuam yaus neeg txum tim cais tawm ntawm lawv tsev neeg ntawd yeej tseem ua rau muaj teeb meem rau lawv los txog niaj hnub niam no.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
