ඕස්ට්‍රේලියානු නිවාස වෙළඳපොල තවදුරටත් පවතින ඉල්ලුමට සරිලන සැපයීම ලබාදීමට නොහැකි තත්වයකට පත්වී ඇති බව වාර්තා වේ. නව නිවාස සැපයුම ඉහල දැමීමට කටයුතු කලද 2028 සහ 2029 වසර වන විට නිවාස 39000ක හිඟයක් ඇතිවන බව පුරෝකථනය කර තිබේ.
National Housing Supply and Affordability Council විසින් ඕස්ට්‍රේලියානු නිවාස පද්ධතියේ තත්වය පිලිබඳ 2024 වාර්තාව ඉදිරිපත් කරමින් සාමාන්‍ය ජනතාවට නිවාස ලබාගැනීමේ හැකියාව පිලිබඳව විමර්ශනය කර තිබේ. මේ අනුව ඕස්ට්‍රේලියානු ජනතාවගේ පවතින සැබෑ අවශ්‍යතාවයන්ට කඩිනමින් ප්‍රතිචාර දැක්විය යුතු බවට මෙම වර්තාව් අහරහා යෝජනා කර තිබේ.
169000ක් දෙනා රජයේ නිවාස ලබාදෙන පොරොත්තු ලේඛනයේ රැදී සිටින අතර තවත් 120000ක් නිවාස නොමැතිකමින් පීඩා විඳී.
LISTEN TO
අන්තර්ජාතික සිසුන් ඔස්ට්‍රේලියාවට පැමිණීමට අකමැතියි. ශ්‍රේණි ගතකිරීම් වලිනුත් ඔස්ට්‍රේලියාව පහලට
SBS Sinhala
02/05/202403:57
ඔස්ට්‍රේලියාව වර්තමානය වනවිට ඉතා දරුණු නිවාස අර්බුධයකට මුහුණ දෙමින් සිටින බව National Housing Supply and Affordability Council හි සභාපති Susan Lloyd-Hurwitz පවසා සිටී. මෙම තත්වය දිගුකාලීනව පවතින ගැටළුවක් බවත් පවතින ඉල්ලුමට සරිලන ලෙස නිවාස සැපයීමට ඇති නොහැකියාව හේතුවෙන් මෙම තත්වය උද්ගත වී ඇති බවත් Susan වැඩිදුරටත් පවසා සිටී.
මෙහිදී ඉතා දරුණු තත්වයකට පත්වී ඇති මෙම ගැටලුව හේතුවෙන් මේ සඳහා සරල හෝ කෙටිකාලීන විසඳුම් නොපවතින බව ඇය වැඩිදුරටත් පෙන්වා දේ. මෙම වාර්තාවට අනුව 169000ක් දෙනා රජයේ නිවාස ලබාදෙන පොරොත්තු ලේඛනයේ රැදී සිටින බව වාර්තා වේ. තවත් 120000ක් නිවාස නොමැතිකමින් පීඩා විඳින බවද මෙමගින් පෙන්වා දේ.
පසුගිය කාලයේ නිවාස සැපයුම ඉතා පහල ගොස් ඇති බව වාර්තා වේ. 2023 වසරේ ඉදිකළ නිවාස සංක්‍යාව 172000ක් වී තිබේ. මෙය පසුගිය වසර 10ක කාලය තුල වසරකදී ඉදිකළ අඩුම නිවාස ප්‍රමාණය බව වාර්තා වේ.
මෙහිදී රජය ඉදිරි වසර කිහිපය තුල නිවාස මිලියන 1.2ක් ඉද්කිරීමට ඉලක්කකර තිබුනද එම ඉලක්ක කරා ලඟා වීමට රජයට නොහැකි වනු ඇති බව මෙම වාර්තා මගින් පෙන්වා දී තිබේ.
මේ සඳහා බලපෑ ඇති ප්‍රධාන සාදක මොනවාද ?
- සංක්‍රමණිකයින්ගේ පැමිණීම සීග්‍ර ලෙස ඉහල යාම
- පොලී අනුපාත ඉහල යාම
- ඉදිකිරීම් සමාගම් බංකොලොත් වීම
- ඉදිකිරීම් ක්ෂේශ්ත්‍රයේ පවතින ශ්‍රම හිඟය
- ඉදිකිරීම් අමුද්‍රව්‍ය මිල ඉහල යාම
- නිවාස වල ආයෝජනය සඳහා ආයෝජකයින් තුල පවතින අකමැත්ත
මෙහිදී අඩුආදායම් ලබන ජනතාව, ගෘහස්ත හිංසනය හේතුවෙන් පීදාවින්දින්නන්, ආදිවආසී ජනතාව සහ තරුණ පිරිස් මෙම නිවාස අර්බුධය හේතුවෙන් දැඩි ලෙස පීඩා විඳින බව වාර්තා වේ.
රජය විසින් ක්‍රියාත්මක නිවාස යෝජනාක්‍රම, ඉදිකිරීම් ක්ෂේශ්ත්‍රයේ ධාරිතාව ඉහල දැමීම සහ ආදිවාසී ජනතාව කෙරෙහි අවධානය යොමු කිරීම වැනි කාරනා 10ක් කෙරෙහි රජයේ අවධානය යොමුවිය යුතු බව මෙම වාර්තාව හැර හා යෝජනා කර තිබේ.
