Xeev Queensland tau muaj cov kev ceeb toom rau tej zos ntau lub ntawm xeev Queensland kom tawm khiav ntawm lawv tej vaj tse kiag tam sid tab sis kob hav zoov kub hnyiab txaus txhawj xeeb tshaj yog kob kub ntawm Tenterfield uas kuv rau tej zos sab qaum teb, sab hnub poob thiab sab qab teb.
Lub tuam txhab NRMA Insurance xav kom tub ceev xwm mus zov kev tshuab cawv kom thiaj daws tau tej teeb meem tej neeg qaug cawv tsav tsheb, tom qab nws tau muaj ib cov kev teeb txheeb qhia tias 12 feem puas ntawm tej neeg tsav tsheb lees tias lawv haus cawv ntau heev tab tsis tseem tsav tsheb.
Chanel Contos uas yog coj thiab tus tsim tsa lub koom haum 'Teach Us Consent' hais tias ntshe tseem yuav tshuav ntev heev mas thiaj mam lis tau cov sex education no vim tseem tshuav hauj lwm ntau yam yuav tau ua. Ms Contos thiaj tau hais ib cov lus rau lub caij nws nrog National Press Club tham tias nws tej hauj lwm tau pab kom muaj peev xwm qhia kom tej neeg paub zoo txog txoj kev yeem ntawm tej teej kawm zoo tuaj ntxiv lawm uas thiaj ua rau tau muab tej sob kawm no coj los teev nrog Australia tej txhooj cai qhia ntawv kom qhia rau tej teej kawm.
Israel tau qhia tias nws tej dav hlau tua rog tau mus tua lub yeej thoj nam Jabalia refugee camp loj tshaj plaws ntawm Gaza ces thiaj ua rau muaj neeg tas sim neej yam tsawg li 50 leej suav Hamas tus coj tseem ceeb yog ib tug raug tua tuag thiab.
Thawj pwm tsav Albanese hais tias nws yuav kub siab nrog xyuas kom pab tso tau Yang Henjun uas yog ib tug neeg Australia caj ceg neeg Suav uas yog ib tug neeg sau ntawv tom qab tau txais ib tsab ntawv los ntawm tej me nyuam tau nqua hu kom tsoom fwv Australia pab coj lawv txiv rov qab los tsev.
Txij hnub tim 01.11.2023 no mus ces yuav coj cov tshuaj Shingrix vaccine tshiab coj los siv hloov cov qub uas yog Zostavax coj los hno tiv thaiv kab mob Shingles uas yog ib cov mob uas pheej ua pob sawv tsheej thaj.
Tej xwm txheej kub ntxhov tsis ntev los no uas tau ua rau ib tug poj niam tau tas sim neej tau ua rau tej nom tswv thiab tej koom haum pab cuam tej poj niam tau nqua hu kom tsim kom tau ib cov tswv yim uas siv tau thoob haiv neeg no los tiv thaiv thiab daws tej teeb meem kub ntxhov muaj rau tej poj niam. Vim xyoo no xwb twg muaj 50 tus poj niam raug tua tuag ntawm Australia lawm, thiab 10 dhau los no xwb twg muaj 5 tug poj niam raug tua tuag lawm.
Bangkok Post tau tshaj tawm tias nom tswv Thaib yuav kam qev nyiaj rau tej neeg Thaib uas rov qab los ntawm teb chaws Israel los tsev muaj cai qev tau nyiaj txog li 150,000 Baht coj mus them nuj nqe thiab nrhiav dua hauj lwm tshiab uas yog tias lawv yog tej neeg ua liaj ua teb, tej neeg muag khoom los yog yog tej tswv lagluam dhau los.
Lub tuam txhab Xayaburi Power kuj tau muag nws cov Green Power Bonds tau nyiaj txog li 3.5 billion Baht coj los them nuj nqes thiab kom tsim tau hluav taws xob muag rau Thaib teb.
Vientiane Times tau tshaj tawm tias tias Thaib thiab Nplog ob tug nom txawv teb chaws tau koom lub rooj sab laj tham txog cov kev npaj yuav los tsim tus choj zum ob hla dej Naj Khoom (Mekong River) kom thiaj tsim taut xoj kev tsheb ciav hlau hla ntawm Thaib rau Nplog.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab Downloadthiab caum
