Txheeb txog tej cai tawm tsam ntawm Australia

Australia Explained - The Right to Protest

SYDNEY, AUSTRALIA - SEPTEMBER 20: Young girls protest in The Domain ahead of a climate strike rally on September 20, 2019 in Sydney, Australia. Credit: Jenny Evans/Getty Images

Get the SBS Audio app

Other ways to listen

Txhua limtiam ces yeej muaj tej neeg Australia uas muaj kev kub siab txog ib yam dab tsi yeej mus tawm tsam ntawm tej kev, thiab qhia kom lwm tus pom txog qhov tseem ceeb ntawm ntau yam teeb meem. Cov kev rwg npoj tawm tsam kuj tsis yog ib co kev ua txhaum cai dab tsi, tab sis muaj qee zaus tej zaum tej neeg tawm tsam kuj ua dhau cai zog los sis yog coj tej cwj pwm tawm tsam zej tsoom. Ces thiaj tsuas nyob ntawm seb yus coj yus tej cwj pwm li cas rau thaum yus mus tawm tsam los yog mus tawm tsam rau qhov twg yuav ua cov txiav txim tias seb yus puas yuav raug teeb meem xwb.

Yeej ib txwm paub tias peb muaj cai tawm tsam ntawm teb chaws Australia, tab sis peb tej txhooj cai tswj hais yeej tsis teev tias peb muaj tej cai no.

Txawm li cas los peb yeej muaj txoj cai tawm tau tswv yim txog tej laj fai kum xeeb ywj pheej ntawm peb tej txhooj cai tswj haiv thiab.

Yeej muaj qee cov piv txwv li muaj cov kev lees paub txog tej sib sau tawm tsam yam thaj yeeb ntawm ib co xeev uas muaj tej cai pov puag leej tig neeg txoj cai siv (Human Rights Acts) li xeev Victoria, ACT thiab Queensland. Tab sis feem ntau ntawm lub teb chaws no los yog thoob teb chaws no, yeej tsis muaj tsis muaj ib qho chaw twg tsi ntsees qhia tias yus muaj cai rwg npoj tawm tsam, thiab tab sis peb yeej ib txwm muaj tej cai lij choj uas tej tsev txiav txim plaub ntug siv yeej lees paub lub tswv yim tias peb muaj txoj cai tawm tsam.
Professor Luke McNamara, Faculty of Law and Justice at University of New South Wales (UNSW).

Txawm li cas los yeej muaj tej cai tswj cov kev tawm tsam sib txawv siv thoob teb chaws Australia no thiab. Piv txwv li xeev Queensland thiab Western Australia ces yeej muaj tej lagluam khawb peev txheej ntau heev ces thiaj ua rau zej tsoom xav txheeb kom paub qhov tseeb, ces thiaj muaj tej cai nruj dua coj los siv tswj cov kev tawm tsam. Tab sis tej cai no tseem yog ib co cai uas siv rau tej kis dav dav heev xwb thiab.

Txawm tias yeej tsis rau txim dab tsi yog yus mus koom ib co kev tawm tsam twg, los yog tias yus coj tej cwj pwm tsis tsim nyog rau lub caij tseem tawm tsam ces tej zaum kuj yuav raug txim tau thiab.

TOPSHOT - Tej neeg tawm tsam tau mus rwg npoj ntawm tej kev ntawm Sydney CBD tawm tsam tsis pom zoo nrog Meskas tus coj qub dhau los tsab cai yuav txwv tsis pub ib txhia neeg mus rau nws lub teb chaws rau hnub tim 4 lub 2 hlis ntuj xyoo 2017. Source: AFP / SAEED KHAN/AFP via Getty Images

Dab tsis yog tej cwj pwm tsis tsim nyog?

Tej cwm pwm tawm tsam zej tsoom li tsim teeb meem rau lwm tus, tsim kev puas tsuaj rau tej vaj tse yog ib co cwj pwm tsis tsim nyog ua rau ntawm ib co kev tawm tsam twg. Professor McNamara thiaj hais tias tsuas nyob rau ntawm seb ho coj tej cwj pwm no zoo li cas xwb thiab.

Nom tswv mam li los txheeb ib co cwj pwm zuj zus. Piv txwv li seb ib co kev rwg npoj tawm tsam ntawd yog cov kev mus taug kev, mus zaum los yog muab lawv xauv lawv khi rau ib thaj chaw twg, uas tub ceev xwm yog cov yuav mus txheeb kiag tej no ntawm chaw.
Luke McNamara is a Professor at Faculty of Law and Justice at the University of NSW.

Nikita White uas yog ib tug campaigner rau lub koom haum Amnesty International hasi tias yog yus nqa tej phiaj, tej duab thiab tej arts uas coj mus siv tawm tsam xwb ces tsis ua li cas, tab sis tsis txhob nqa tej yam dab tsi uas yog riam phom.

Tsis tsim nyog yus nqa tej riam tej tw teeb nrog yus lub cev kom thiaj li tsis raug (tub ceev xwm) tshawb.
Amnesty International Campaigner Nikita White.

Cov kev rwg npoj ua chaw tab kaum rau lwm tus

Peb sawv daws yeej ntsib teeb meem cuam tshuam rau peb txoj kev ua lub neej txhua hnub rau lub caij uas muaj tej kev rwg npoj ntawm tsam ntawm ib txoj kev twg. Tej no thiaj yog ib co xwm txheej uas tsub niam tej tsoom fwv thiab kuj yuav ua rau muaj ib cov kev txwv tshiab coj los siv tswj tej xwm txheej no.

Professor McNamara hais tias peb thiaj yuav tau lees paub txog tej kev cuam tshuam no rau peb lub neej yog tias peb xav kom peb muaj cai mus rwg npoj tawm tsam.

Kom peb nco tias yog thaum muaj cov kev rwg npoj tawm tsam lawm ces yeej yuav muaj kev cuam tshuam ib yam dab tsi xwb.
Professor Luke McNamara, Faculty of Law and Justice, UNSW.

Nws hais tias “Lub hom phiaj ntawm zej tsoom ib co kev tawm tsam twg ces yog ua kom tej neeg cheem lawv tus kheej thiab tig los ua tib zoo txheeb thiab mloog tej xo uas tej neeg tawm tsam qhia rau sawv daws.”

Ces cov kev tawm tsam no thiaj yog tej yam uas ua rau muaj cov kev xav sib txawv, thiab ib tug nom tswv twg kuj yuav rau txim rau tej neeg uas pheem tsim kev cuam tshuam loj rau zejzog thiab.

Txawm li cas los thoob Australia no ces yeej muaj cov kev rwg npoj tawm tsam rau ntawm tej chaw ua lagluam tseem ceeb piv txwv li tej chaw nres nkoj tseem ceeb, tej kev tsheb, tej chaw ntov ntoo, los yog cov kev tawm tsam no thaiv kom tej neeg tsis txhob muaj peev xwm mua ua tau hauj lwm uas yog ib co xwm txheej uas cov nyom nrog tej cai tswj txwv tsis pub tawm tsam thiab.

MELBOURNE, AUSTRALIA - AUGUST 21: Ib tug txiv neej nqa ib daim ntaub sau los lus ''kev ywj pheej'' sawv sab saum lub ruv tsev tos caij tsheb ciav hlau luv rau lub caij uas muaj ib co kev tawm tsam tsis pom zoo nom tswv cov kev txwv tsis pub tej neeg tawm thaum tseem muaj kab mob kis coob rau lub 8 hli ntuj tim 21 xyoo 2021 ntawm Melbourne, teb chaws Australia. Credit: Getty Images

Dr Sarah Moulds uas yog ib tug zes kais theem qes uas paub zoo txog phab cai lij choj ntawm tsev kawm qib siab University of South Australia hais tias yog tias poob rau tej xwm txheej phom sij tiag, ces tej zaum yus kuj yuav rau rau txim loj li yuav raug kaw tsev laj cuj, tsis hais yus seb puas yog yus txhob txwm ua kom raug kev txom nyem rau lwm tus los tsis raug li.

Tam sim no ces ntawm Adelaide tej zaum tus neeg ntawd kuj yuav raug coj mus kaw tsev laj cuj txog 3 hlis yog tias tseem mus tawm tsam thaiv zej tsoom ib thaj chaw twg. Vim yog ib tsab cai siv tau nthuav dav heev, yog li ntawd yog tias ho muaj tej kev tawm tsam rau ntawm ib txoj kev twg, los yog ntawm hauv ntej ntawm ib co vaj tse twg, los sis yog ntawm tsev tsoom fwv ces tej zaum kuj yuav yog ib cov kev ua txhaum tsab cai txwv tsis pub tawm tsam thiab.
Dr Sarah Moulds, an associate professor of Law at University of South Australia.

Hos lwm cov kev rau txim ntawm Australia no ces yog cov kev cai li mus rau ib thawj chaw twg yam tsis tau txais kev tso cai, los yog hnav tej khaub ncaws vov thiab npog yus kom lwm tus tsis paub tias yus yog leej twg, los yog mus thaiv ib tug neeg ua hauj lwm emergency worker twg, los yog siv tej lus hawv, thiab hais lus phem saib tsis taus lwm tus thiab siv tej cwj pwm tsim kev puas tsuaj rau tej vaj tse.

Tab sis qhov tseeb tiag ces tej neeg raug txhom feem ntau yeej yog tej uas coj tej cwj pwm tawm tsam zej tsoom (tsis mloog lus) thiab lawv yeej txhob txwm ua txhaum cai—piv txwv li, cov kev muab lawv khi/pav/zog rau ntawm ib lub tsev twg, los yog mus dai ib daim ntawv tawm tsam rau ntawm ib tug choj twg.

Kho tej cai tswj cov kev tawm tsam kom nruj tuaj ntxiv

Lub koom haum Human Rights Law Centre tau qhia tias lub sij hawm 20 xyoo dhau los no yeej tau thov tsim 34 tsab cai tshiab los tswj cov kev tawm tsam – los yog yeej muaj tswv yim ntau yam yuav los kho tej cai no – thiab yeej muaj tej cai no tsab tau txais kev pom zoo thiab tsim tau coj los ua cai siv tiag lawm. Uas tej cai no feem ntau ces yeej tswj kom tsis txhob muaj peev xwm mus tawm tsam tau yooj yim.

Kuv xav tias yus yeej muaj peev xwm hais tau tias zoo li tej cai no yeej yog ib co uas yuav tsim coj los rau txim rau tej kev tawm tsam. Thiab yuav rau txim rau ib co cwj pwm tswg uas mus tawm tsam rau ib co chaw twg ces yuav raug rau txim.
Dr Sarah Moulds, an associate professor of Law at University of South Australia.

Thov kev tso cai mam tawm tsam

Ib feem tseem ceeb ntawm ib co kev tawm tsam twg ntawm Australia no ces yog cov kev thov kev tso cai pom zoo ntawm nom tswv tso mam mus tawm tsam.

Yog tias koj tab tom npaj yuav muaj zej tsoom ib co kev sib sau coob heev, ces koj muaj peev xwm sau ntawv mus thov kev tso cai ntawm tub ceev xwm los yog thov kev tso cai ntawm koj tej nom tswv zos.

Yog thia thov kev tso cai pom zoo lawm ces tej zaum yus kuj yuav raug tub ceev xwm zam qee yam li kom lawv tsis txhob txwv tsis pub yus tawm tsam. Piv txwv li lawv yuav thaiv ib thaj chaw twg rau ib lub caij twg tsis pub neeg tsav tsheb mus rau thaj chaw ntawd kom tej neeg tau txais kev tso cai tawm tsam muaj peev xwm msu tawm tsam los yog mus rwg npoj rau ntawm tej kev ntawd, los yog yuav muaj tub ceev xwm mus pab tswj tej xwm txheej.
Professor Luke McNamara, Faculty of Law and Justice, UNSW.

Cov kev tau txais kev tso cai tawm tsam yuav pab kom yus muaj txoj kev ntseeg siab tias tub ceev xwm yuav tsis cuam tshuam los yog thiab kom muaj cov kev tawm tsam no. Tab sis tub ceev xwm kuj yuav mus koom thiab ua tib zoo xyuas kom tsis txhob muaj teeb meem dab tsi rau cov kev tawm tsam no thiab kom tej neeg tawm tsam mloog tau tias lawv tau txais kev pov puag.

SYDNEY, AUSTRALIA - MAY 06: Tej neeg tawm tsam pov puag tej huab cua tau mus tawm tsam ntawm CBD rau lub caij muaj cov kev tawm tsam hu ua 'School Strike 4 Climate' rau hnub tim 05 lub 5 hlis ntuj xyoo 2022 ntawm Sydney teb chaws Australia. Credit: Lisa Maree Williams/Getty Images

Yog tias yus ho raug tub ceev xwm muab ceev tseg ne yuav ua li cas?

Yog tias yus raug txhom lawm, ces tsim nyog yus hu rau ib tug kws lij choj tham. Thiab tej koom haum Community Legal Centres yeej muaj ib cov kev sab laj phab cai lij choj thiab ua tib zoo xyuas kom muaj cov kev hwm yus tej cai.

Thiab tej kev rau txim feem ntau ces tsuas raug nplua li ntwm ob peb puas dollars xwb.

Peb kuj muaj hmoo uas tau nyob rau ntawm lub teb chaws uas tej tub ceev xwm thiab tej kws lij choj los yog tej kws txiav txim plaub ntug yeej saib peb cov kev ywj pheej rau nqe ces cov kev rau txim feem ntau thiaj tseem tsis tshua raug raug txhim hnyav.
Dr Sarah Moulds, Associate Professor, Law, University of South Australia