Xov xwm luv tshaj tawm hnub zwj Quag (Tuesday news 30.04.2024):
Peter Dutton uas yog tus coj ntawm lwm pab nom hais tias kom muab Andrew Gile uas yog tus nom tswj dej num tsiv teb tsaws chaw thiab Clare O'Neil uas yog tus nom tswj lub tuam chav Home Affair rho tawm hauj lwm rau lub caij ua tau muaj neeg mus ntaus ib tug laus neeg uas yog ib tug leej pog nyob rau ntawm Perth. Ninette Simons uas muaj hnoob nyoog 73 xyoos thiab nws tus txiv uas muaj hnoob nyoog 76 xyoo kuj raug ib tug neeg mus muab nkawv ntaus ntawm nkawv lub tsev thaum ntxov lub 4 hlis ntuj no thiab nyiaj nkawv ib co hlua kub. Kuj muaj xov xwm qhia tias tau muaj ib tug txiv neej hnoob nyoog 43 xyoos uas yog ib tug ntawm 154 tus neeg thoj nam uas tsev hais plaub High Court tau hais kom muab tso vim cov kev muab tej neeg no kaw yog ib cov kev ua txhaum cai. Thawj pwm tsav Anthony Albanese tau qhia tias yog tim lub xeev no tej bails laws. Ces Mr Dutton thiaj tau hais tias yog tsis tim Mr Giles thiab Ms O'Neil ces tsis muaj tej teeb meem no. Nws hais tias 'Txhua tus neeg Australia yeej paub...tsis suav thawj pwm tsav Anthony Albanese xwb yeej paub tias ob tug nom no tsis tsim nyog ua nkawv txoj hauj lwm ntxiv lawm. Nkawv yog ob tug tau tsim ib co xwm txheej, thiab tau muaj cov kev txiav txim siab uas tau ua rau muaj tej xwm txheej phom sij rau neeg Australia.'
Thawj pwm tsav Anthony Albanese tau mus xyuas ib lub kom haum ntawm lub zos Alice Spring hnub tim 30.04.2024 no tom qab tau 2 limtiam uas tau tshem cov kev txwv tsis pub tej hluas tawm. Tej nom tswv no tau qhia tias cov kev txwv no tsuas yog los ua tib zoo tswj cov teeb meem kub ntxhov no kom tsis txhob muaj nyob rau ntawm lub nroog no xwb uas tau muaj cov kev txwv no tom qab tau muaj ib tug hluas hnoob nyoog 18 xyoo raug tuag thaum ua tsheb sib tsoo.
Tsoom fwv teb chaws thiab tej nom tswv xeev no tseem npaj hais tias yuav koom lub rooj sab laj sib tham hauv virtual meeting rau hnub zwj Feej (Wednesday) tim 1 lub 5 hlis ntuj rau lub caij uas thawj pwm tsav thiab tej nom tswv xeev no yuav los koom lub rooj sab laj National Cabinet meeting hais txog tej teeb meem kub ntxhov hauv lub cuab yig uas muaj rau tej poj niam. Thiaj li tau muaj tej xwm txheej no tom qab tau muaj tej neeg mus rwg npoj tawm tsam thoob teb chaws rau ob hnub so dhau los, tau muaj cov kev nqua hu kom xaus tej teeb meem kub ntxhov muaj rau tej poj niam. Anne Aly uas yog tus nom lis laj fai pab rau tej hluas thiab tej neeg raug teeb meem kub ntxhov hauv lub cuab yig tau qhia rau lub chaw nthuav xov xwm ABC tias tej teeb meem kub ntxhov hauv lub cuab yig uas tau ua rau tej neeg no tas sim neej no tau rov qab ua rau tej neeg raug cov teeb meem no ntshai.
Yuav rov qab los ua tib zoo xyuas kom muaj peev xwm rov qab los pov puag tau cov xov tooj pab cuam triple zero los yog 000 kom zoo tuaj ntxiv kom tsis txhob ntsib tej teeb meem li lub tuam txhab Optus tau ntsib uas tsis muaj peev xwm yuav hu tau rau tej xov toom no lub 11 hlis ntuj tsaib no. Rau qhov tias tej xwm txheej uas lub tuam txhab Optus no tau tuag tsis muaj peev xwm yuav siv nws tej xov tooj thiab internet ntawd tau ua rau muaj teeb meem rau ib tug ntawm peb tug neeg Australia lub caij uas nws cov network tsis ua hauj lwm tsaib no. Thiaj li ua rau ntau txheeb tsab xov tooj hu mus rau cov emergy services no tsis muaj peev xwm yuav siv tau.
Tsoom fwv teb chaws thiab tsoom fwv xeev no kuj tau yuav nqes peev nyiaj $1 billion los tsim lub Quantum computer uas muaj zog los yog zoo tshaj plaws coj los siv. Cov kev nqes peev lagluam no coj los nqes rau lub tuam txhab hu ua PsiQuantum, uas yog ib feem ntawm tsoom fwv tej tswv yim uas yuav los txhawb nqa kom muaj cov kev txhawb nqa kom muaj cov kev tsim khoom nyob rau teb chaws Australia los yog Future Made in Australia Plan ntawd. Ua cia siab tias yuav tsim tau 400 txoj hauj lwm rau tej neeg ua, uas thawj pwm tsav hais tias cov kev koom tes no yuav pab kom teb chaws Australia no ras los ua ib lub teb chaws uas muaj peev xwm rau phab Quantum computer.
Lub tuam txhab yav dav hlau Bonza uas yog ib lub tuam txhab yav dhav hlau pheej yig no cia li muab tag nrho nws cov fij dav hlau ncua tsis ya rau ntawm Sunshine Coast, Gold Coast, Melbourne thiab Avalon Airport lub tuam txhab nyob rau ntawm Sunshine no tau teeb tsa rau lub 1 hlis ntuj xyoo 2023 uas thaum xub thawj yeej ya rau 27 txoj kev rau 17 thaj chaw , tab sis kuj tau txo tej fij dav hlau tom qab tsim tau 6 hli. Thiaj li tau ua rau Tim Jordan uas yog tus coj lub tuam txhab no tau qhia tias nws tau ncua tag nrho cov fij dav hlau no thiab tseem tab tom sab laj tias seb puas muaj peev xwm yuav ua tau lagluam lawm. Tom qab uas phau ntawv xov xwm the Australian Financial Review tau tshaj tawm tias tau muaj nws cov dav hlau 737 ntau lub raug tej neeg qev nyiaj coj los yuav cov dav hlau no txeeb rov qab.
Kuj tau muaj ib co kws tshawb fawb los yog scientists ntawm Melbourne no qhia tias ze ze rau qhov lawv txheeb tau tias lawv yuav muaj peev xwm los tawm tsam los yog tiv thaiv tau tag nrho txhua txhua cov kab mob khaub thuas lawm. Tej kws tshawb fawb ntawm lub chaw teeb txheeb Doherty Institute tau txheeb tau 9 cov kab mob khaub thuas muaj ntsis zoo sib xws uas txawv cov kab mob khaub thuas Influenza B virus uas tej zaum yuav yog ib co kab mob uas tsim tau kev phom sij loj heev rau tej me nyuam yaus.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
