Xov xwm luv tshaj tawm hnub zwj Quag (Tuesday newsflash 21.05.2024).
Julian Assange tsev neeg thiab tej neeg txhawb nqa nws ua kev zoo siab rau London lub tsev hais plaub High Court cov kev txiav txim siab tias tej zaum nws muaj peev xwm mus hais rooj plaub kom tsis txhob raug xa mus hais plaub ntawm Meskas. Tej kws lij choj sawv cev rau tus teeb tsa lub koom haum WikiLeaks thiaj muaj peev xwm cav yeej tias Meskas ib lub tsev hais plaub yuav tsis pub nws tawm tau tswv yim ywj pheej vim nws tsis yog ib tug pej xeem.
Vicky Brady uas yog Telstra tus coj qhia tias nws yuav rho neeg tawm hauj lwm txog li ntawm 2,800 tus rau thaum yuav xaus xyoo 2024 no kom thiaj ua tua lagluam thiab kom siv tau tej txheej txheem ua hauj lwm yooj yim.
Australia lub koom haum tswj tej cai rau tej kev ua luam qhia tias yuv tsum tsim kom tau cai zoo los tswj cov kev siv tej AI (Artificial Intelligence) mas thiaj yuav tswj tau tej xwm txheej no. Vim Australian Securities and Investment Commission (ASIC) tau coj ib co pov thawj los qhia rau lub caij raug nom tswv txheeb thiab nub txog cov AI tias tej technology no yuav ua rau muaj teeb meem rau tej neeg yuav khoom siav yog tsis ua tib zoo los tswj.
Israel tus thawj pwm tsav Benjamin Netanyahu tau tsis pom zoo nrog pej kum haiv lub tsev hais plaub International Criminal Court (ICC) cov kev txiav txim siab yuav los txhom nws thiab nws tus hau rog Yoav Gallant thiab muaj tej xwm txheej no hu tias 'yog cov xwm txheej txaus txaj muag'' thiab yog cov kev tawm tsam tsis nyiam neeg Jews. Ua ke no los president Joe Biden los kuj tau tib cov kev txiav txim siab no thiab hais tias Israel yeej muaj cai los tiv thaiv nws tus kheej ntawm cov Hamas.
Nom tswv Meskas tau qhia tias nws tsis pab teb chaws Iran cov kev thov kom pab ib lub nyob hoom kiv tshuab uas tau ua rau nws tus President Ebrahim Raisi thiab tus nom txawv teb chaws Hossein Amirabdollahian uas tau tas sim neej. Matthew Miller uas yog Meskas lub tuam chav txawv teb chaws tus kis tau qhia tias Meskas tsis muaj peev xwm pab thiab tej xwm txheej no yeej hloov tsis tau tej hauj lwm uas Meskas muaj cuam tshuam nrog Iran suav cov kev txwv tib si.
The Laotian Times tau tshaj tawm tias Thiab thiab Nplog yuav sim khiav tsheb ciav hlau ntawm Thaib rau Nplog, uas yog ib feem ntawm Suav txoj kab tsheb ciav hlau yuav tsim los hla ntau lub teb chaws ntawm Southeast Asia mus txog rau Singapore.
Vientiane Times tau tshaj tawm tias limtiam dhau los no Australia Embassy nrog rau Nplog lub tuam chav txawv teb chaws thiab lub tuam chav ASEAN Department tau koom lub rooj sab laj 'kev koom tes tom qab 50 xyoo ntawm Australia thiab ASEAN' uas los txheeb txog ntau yam teeb meem thiab ntau yam cib fim raws cov tswv yim npaj tseg yuav ua raws. Megan Jones uas yog Australia tus embassador ntawm Vientiane thiaj hais tias Australia yuav pab tej scholarships thiab fellowships thiab tej business visa 5 xyoos rau tej neeg lagluam ntawm ob tog siv, thiab yuav txhawb nqa lagluam thiab kev nqes peev ntawm ob tog.
Bangkok Post tau tshaj tawm tias yuav muaj lub koom txoos Bangkok Pride uas yuav pib rau thaum ntxov lub 6 hli ntuj xyoo 2024 no los ua kev zoo siab rau Thaib tej neeg LGBTQI+.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
