Xov xwm luv tshaj tawm hnub zwj Feej (Wednesday news 01.05.2024):
Tsev hais plaub Federal Court tseem yuav los txiav txim rau tej nqe hais plaub uas Mr Bruce Lerhmann tau mus hais nrog lub chaw nthuav xov xwm tshooj 10 thiab Lisa Wilkinson cuam tshuam txog Brittany Higgins ua tau ua rau nws poob ntsej muag. Tab sis tus kws txiav txim plaub ntug hu ua Michael Lee no kuj txheeb tau tias tej zaum Mr Lehrmann yuam deev Ms Higgins hauv tsev tsoom hwv xyoo 2019. Txawm li cas los kuj tsis rau txim txhaum dab tsi rau Mr Bruce Lehrmann thiab nws kuj tseem yog ib tug neeg uas tsis txhaum dab tsi.
Qantas tseem tab tom mus tshuaj ntsuam xyuas tej xwm txheej uas tau muaj teeb meem rau nws lub App tom qab tau muaj ntau tus customers tau qhia rau nws hais tias tau muaj tej neeg txawv mus saib lawv tej xov xwm. Lub caij uas lawv log in mus rau hauv lawv tej account ces tau muaj ib txhia customers tau qhia tias lawv kuj pom lub npe thiab pom cov flight details thiab pom cov loyalty points ntawm lwm tus neeg. Thiaj tau ua rau Qantas no tau tawm ib cov ncauj lug tias nws yeej paub txog tej teeb meem no thiab tseem ua tib zoo tab tom los txheeb xyuas tias seb puas yog tim nws hloov nws cov system tsis ntev los no.
Lub tuam txhab Bonza uas yog ib lub tuam txhab uas muaj cov pib dav hlau pheej yig uas ya mus rau tej zos cheeb tsam no tam sim no ces tsis muaj peev xwm yuav ua tau lagluam lawm. Thiaj li tau ua rau muaj tej neeg uas yuav cov pib dav hlau no yuav tau mus nrhiav dua lwm cov pib dav hlau caij tom qab uas cia li tau muab tej fij dav hlau no ncua sai sai lawm. Thiaj ua rau tej neeg yuav cov pib dav hlau no khuam daig thoob plaws rau ntawm Australia tej tshav dav hlau rau thaum sawv ntxov hnub zwj Quag (Tuesday 30.04.2024) sawv ntxov lub caij uas tau muaj lub rooj sab laj sib tham sai kawg nkaus txog lub tuam txhab no tias seb yuav ua li cas.
Changpheng Zhao uas yog tus coj lub tuam txhab Binance dhau los no raug teem txim kaw tsev laj cuj 4 hlis tom qab uas nws raug liam hais tias tau siv nws lub tuam txhab cryptocurrency exchange Binance no uas yog ntiaj teb lub tuam txhab cryptocurrency loj tshaj plaws no coj los siv nyiaj yam tsis dawb huv. Nom tswv ntawm teb chaws Meskas thiaj tau qhia tias Zhao no txhob txwm siv lwm txoj xub ke los ua rau tej neeg tau siv cov nyiaj no coj mus ua phem rau tej me nyuam yaus thiab yuav los yog ua luam yaj yeeb txhaum cai thiab coj mus pab tej neeg phem tua neeg kom pej xeem ntshai. Ces Zhao thiaj li raug ib lub txim txhaum rau lub 11 hlis ntuj vim rau qhov tias zoo li nws tsis kub siab los ua tib zoo xyuas kom tej neeg tsis txhob siv tej nyiaj uas tau los yam tsis dawb huv no coj mus rau nws lub tuam txhab no. Ces nws thiaj li ua ib siab tawm tsis ua tus coj lub tuam txhab no lawm. Thiab lub tuam txhab Binance no thiaj li tau pom zoo them cov nyiaj nplua 4.3 billion dollars rau cov kev iab liam no.
Kuj tseem yuav los muaj lub rooj sab laj ntawm Australia tus thawj pwm tsav thiab tej nom tswv xeev tham txog cov teeb meem kub ntxhov hauv lub cuab yig rau hnub tim 1 lub 5 hlis ntuj xyoo 2024 no coj los daws tej teeb meem kub ntxhov hauv lub cuab yig uas tau muaj loj zuj zus tuaj thiab tau muaj cov kev tsis txaus siab tom qab uas tau muaj tej poj niam tau tas sim neej thoob teb chaws Australia. Tej nom tswv xeev thiab thawj pwm tsav no thiaj tseem yuav mus sab laj sib tham yuav mus nrhiav cov tswv yim seb yuav ua li cas kom tiv thaiv kom tsis txhob muaj tej teeb meem no, li yuav los ua tib zoo kho cov bail laws los yog tej cai uas siv ib co zwj ceeb coj los txwv ib tug neeg twg yam tsis muab tus neeg ntawd ceev tseg tab sis nws yuav tsum tau mus hais plaub. Thiab yuav tsum los tswj tej xov xwm hauv online uas tej zaum yuav tsim cov kev kub ntxhov li tej duab liab qab uas siv coj mus tsim kev kub ntxhov rau lwm tus, los yog cov kev txhawb nqa cov kev ntxub ntxaug tej poj niam, thiab tsis tas li no los yuav ua tib zoo los xyuas kom tshwm nyiaj coj los tsim kom tau ib co kev pab cuam coj los pab rau tej poj niam.
Jim Chalmers uas yog tus nom lis laj fai tswj nyiaj txiaj rau tsoom fwv teb chaws tau qhia tias tsoom fwv tseem tab tom kub siab maj ceev nrooj los nrog txheeb xyuas nws cov immigration system tom qab tau muaj ib co lus iab liam tias tau muaj ib tug neeg raug muab kaw ntawm cov chaw kaw tej neeg tsiv teb tsaws chaw dhau los tau mus tsim teeb meem rau ib tug niam pog nyob rau ntawm nroog Perth tsis ntev los no. Yog li no ces tus txiv neej no thiaj yog ib tug ntawm 3 tug uas nom tswv tau muab txhom vim rau qhov tias tau ntau los yog tau ua tub sab rau ntawm Ninette Simon uas yog ib tug neeg muaj hnoob nyoog 73 xyoos lub tsev thaum ntxov lub 4 hlis ntuj.
Donald Trump tau qhia hais tias cov kev rau txim los yog cov kev iab liam txim rau nws cuam tshuam txog cov hush money los yog cov nyiaj coj mus xiab rau ib tug neeg porn star ntawd yog tej yam uas ua tsis raws li tej txhooj cai tswj haiv tau teev tseg. Thiaj li tau muaj tus kws lij choj ntawm New York tau muab Meskas tus qub president dhau los no nplua nyiaj txog li ntawm $13,000 rau nws rooj plaub no thiab hawv hais tias yuav muab nws rau txim yog tseem tawm tsam tsis them tej nyiaj nplua no.
Jim Chalmers uas yog tus nom lis laj fai tswj nyiaj txiaj rau tsoom fwv Albanese no hais tias teb chaws Australia no tseem muaj txoj kev sib raug zoo zoo heev nrog teb chaws India txawm hais tias Washington Post tau cej luam tias tej neeg ntawm teb chaws India uas tuaj nyiag soj xwm no kuj raug muab ntiab rov qab. Vim rau qhov tias lawv xav nyiag kom tau ib co xov xwm txog Australia tej hauj lwm tiv thaiv teb chaws thiab tej kev ruaj ntseg rau tej tshav dav hlau.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
