Ema nain nen mate no balun seluk hetan kanek depois de hetan ataka iha sentru kompras iha Bondi, Sydney

Horseik, loron sabado, dia 13 de Abril, lorokraik loja boot Westfield iha Bondi Junction, Sydney hetan ataka husi mane ida ne'ebe asalta ema nain nen ho tudik ne'ebe rezulta ema nain nen mate iha fatin no nain sanulu resin rua kanek todan inkluido bebe oan ida ne'ebe mak foin fulan sia. Bebe nia inan mate depois de koko salva nia oan hodi fo ba ema seluk atu hetan azuda lori ba ospital.

Emergency workers outside Westfields Bondi Junction after a critical incident with multiple casualties Photo Domenico Gentile SBS Italian .jpeg

Cidade Sydney no Australia hanesan nasaun, hakfodak tebes ho insidenti ne'ebe akontese horseik, ne'ebe mane ida ataka ema na'in neen ho tudik no rezulta sira nain mate inkluido na'in 12 seluk hetan kanek todan inkluido bebe fulan sia iha Westfield Bondi Junction, fatin sentru Kompras iha sidade nia parte leste iha loron Sabadu lokraik.

Feto na'in haat ho idade entre 20 no 55 no mane ida ho idade tinan 30 mate iha fatin akontesimentu. Vítima numeru lima, feto ida ho idade 38, mate iha ospitál St.Vincent iha sabado kalan.

Mane ida ne'ebe mak ataka ema ne'e hetan tiru husi polísia iha fatin akontesimentu, no la iha ameasa ba komunidade ne'ebe mak hela besik area ne'e.

Iha konferensia imprensa ne'ebe halo iha dia 14 Abril 2024, domingo dader husi Asistente Komisariu Anthony Cooke dehan polísia fó dadaun ona apoiu ba família vítima sira, so ema na'in rua mak parese laiha família iha Australia.

Tuir Komisariu Cooke "Ami serbisu hamutuk ho ajénsia sira iha rai-li'ur hodi koko atu hakbesik ba família vítima sira-ne'e."

Nia hatutan tan katak ema balu hela iha ospitál iha kondisaun "seriozu maibé estavel".

Vítima ida ho idade tinan 25 mak Dawn Singleton, emprezáriu Australia, John Singleton nia oan-feto, tuir relatóriu média oin-oin, ho omenajen sira ne'ebé mosu mós iha média sosiál ba joven feto ne'e.

Local residents begin to lay flowers at the scene of yesterday's mass stabbing at Bondi Junction in Sydney. Source: AAP / Dean Lewins

Tuir reportajen husi Sydney nia Telegrafu Daily hato'o katak vitima seluk mak inan ida ho naran, Ash Good, ne'ebé hetan kanek maka'as hamutuk ho nia bebe ne'ebe mak foin fulan sia. Inan ne'e konsege fo nia bebe ba ema estranjeiru nia liman no husu sira atu ajuda nia. Depois de husu azuda nia mos lakon konxiensia no ikus mai mate iha Ospital St.Vincent.

Iha tempu hanesan nia oan-feto Harriet nafatin iha kondisaun krítiku iha Ospital Labarik iha Randwick hafoin hala'o operasaun iha Sabadu kalan, temi husi Komisariu Polisia NSW nian.

Tuir informasaun ne'ebe mak fo sai, polisia sei halo hela investigasaun kona-ba motivasaun husi mane ne'ebe ataka ema iha loja Bondi ne'e.

To'o notisia ne'e hatun, polisia NSW sei halo investigasaun klean kona-ba kazu ne'e.

Ema hotu ne'ebé haree akontesimentu ne'e tenke kontaktu Krime Stoppers hamutuk Crime Stoppers on 1800 333 000.

Ema sira ne'ebe mak le'e no prezia suporta kona-ba sira nia moras mental bele liga ba numeru kontaktu Beyond Blue iha numeru 1300 22 4636. Informasaun detalhu bele hetan iha:

beyondblue.org.au

. Embrace Multicultural Mental Health

Apoia ema husi kultura no linguístika oioin.

Ho relatóriu adisionál husi Australia Associated Press.