ਸਾਹਿਤਕ ਸੱਥ ਮੈਲਬੌਰਨ ਦੇ ਨੁਮਾਇੰਦਿਆਂ ਸਨੀ ਬੇਰੀ ਤੇ ਬਿੱਕਰ ਬਾਈ ਨੇ ਐਸ ਬੀ ਐਸ ਪੰਜਾਬੀ ਨੂੰ ਦੱਸਿਆ ਕਿ ਪਿਛਲੇ ਸਾਲ ਕਰੋਨਾ ਕਾਲ ਵਿਚ ਸ਼ੁਰੂ ਕੀਤੇ ਇਸ ਸਮਾਗਮ ਨੂੰ ਉਹ ਆਸਟ੍ਰੇਲੀਆ ਦਾ ਇੱਕ ਮਿਆਰੀ ਸਾਹਿਤਕ ਉਤਸਵ ਬਣਾਉਣਾ ਚਾਹੁੰਦੇ ਹਨ ਤੇ ਇਹ ਕੋਸ਼ਿਸ਼ ਉਸੇ ਕੜੀ ਦਾ ਇੱਕ ਹਿੱਸਾ ਹੈ।
"ਇਸ ਅਦਬੀ ਬੈਠਕ ਨੂੰ ਇਸ ਵਾਰ ਅਸੀਂ ਹੋਰ ਵੀ ਮੁਹੱਬਤ ਅਤੇ ਮਿਹਨਤ ਨਾਲ ਸਜਾ ਰਹੇ ਹਾਂ। ਇਸ ਵਿੱਚ ਸ਼ਾਇਰ ਜਸਵੰਤ ਜ਼ਫ਼ਰ ਜੀ ਦੀ ਹਾਜ਼ਰੀ ਤਾਰਿਆਂ ਵਿਚ ਚੰਨ ਵਰਗੀ ਹੋਵੇਗੀ," ਉਨ੍ਹਾਂ ਦੱਸਿਆ।
“ਇਸ ਸਮਾਗਮ ਤਹਿਤ ਸਾਡਾ ਮੁਖ ਉਦੇਸ਼ ਆਸਟ੍ਰੇਲੀਆ ਵਸਦੇ ਨਵੀਂ ਪੀੜੀ ਦੇ ਬੱਚਿਆਂ ਨੂੰ ਪੰਜਾਬ, ਪੰਜਾਬੀ ਅਤੇ ਪੰਜਾਬੀਅਤ ਨਾਲ਼ ਜੋੜਨਾ ਹੈ।“
ਸਾਹਿਤਕ ਸੱਥ ਮੈਲਬੌਰਨ ਦਾ ਸਲਾਨਾ ਅਦਬੀ ਉਤਸਵ 2023 Credit: Supplied
'ਅਦਬੀ ਉਤਸਵ' ਦੌਰਾਨ ਉਘੇ ਭੰਗੜਾ ਕੋਚ ਸੁਖਜਿੰਦਰ ਲਾਡੀ ਦੁਆਰਾ ਲੋਕ ਸਾਜ਼ਾਂ ਦੀ ਪੇਸ਼ਕਾਰੀ ਅਤੇ ਪ੍ਰਦਰਸ਼ਨੀ ਉਸ ਦਿਨ ਸੁਰਾਂ ਬਿਖੇਰਦੀ ਹੋਈ ਆਪਣਾ ਰੰਗ ਦਿਖਾਵੇਗੀ।
ਪ੍ਰੀਤ ਖਿੰਡਾ ਦੁਆਰਾ ਸਥਾਪਿਤ ਵਿਰਾਸਤੀ ਸਕੂਲ ਜੀਲੌਂਗ ਦੇ ਬੱਚੇ ਆਪਣੇ ਨੰਨ੍ਹੇ ਹੱਥਾਂ ਨਾਲ ਬਣਾਈਆਂ ਤਸਵੀਰਾਂ ਨੂੰ ਪ੍ਰਦਰਸ਼ਿਤ ਕਰਨਗੇ ਜਦਕਿ ਪੰਜਾਬੀਅਤ ਨੂੰ ਸਮਰਪਿਤ ਜੱਸੀ ਧਾਲੀਵਾਲ ਕਿਤਾਬਾਂ ਦਾ ਸਟਾਲ ਲਗਾਵੇਗੀ।
ਸਾਹਿਤਕ ਸੱਥ ਮੈਲਬੌਰਨ ਦੇ ਨੁਮਾਇੰਦੇ ਸਨੀ ਬੇਰੀ ਤੇ ਬਿੱਕਰ ਬਾਈ Credit: Supplied
ਮਿਤੀ: 19 ਮਾਰਚ 2023 ਦਿਨ ਐਤਵਾਰ - ਸਥਾਨ: ਕਲਾਈਡ ਪਬਲਿਕ ਹਾਲ, ਮੈਲਬੌਰਨ
ਇਸ ਇੰਟਰਵਿਊ ਦੌਰਾਨ ਬਿੱਕਰ ਬਾਈ ਨੇ ਆਪਣੀਆਂ ਕਿਤਾਬਾਂ 'ਬੋਲ ਪਏ ਅਲਫਾਜ਼' ਅਤੇ 'ਗੀਤ ਰਹਿਣਗੇ ਕੋਲ਼' ਵਿਚਲੀਆਂ ਚੋਣਵੀਆਂ ਕਵਿਤਾਵਾਂ ਵੀ ਸੁਣਾਈਆਂ।
ਹੋਰ ਜਾਣਕਾਰੀ ਲਈ ਇਹ ਆਡੀਓ ਲਿੰਕ ਕਲਿਕ ਕਰੋ:
LISTEN TO
ਸਾਹਿਤਕ ਸੱਥ ਮੈਲਬੌਰਨ ਵਲੋਂ ਨਵੀਂ ਪੀੜੀ ਨੂੰ ਪੰਜਾਬੀ ਤੇ ਸਾਹਿਤ ਨਾਲ਼ ਜੋੜਨ ਲਈ ਕਰਵਾਇਆ ਜਾਂਦਾ 'ਅਦਬੀ ਉਤਸਵ'
SBS Punjabi
10/03/202316:58
