د ایران دولتي ټلویزیون راپور ورکړی چې چورلکه د ایران په ختیځ اذربایجان ولایت کې په یخ موسم کې د غره له څوکې سره د ټکر له امله غورځېدلې او په بشپړه توګه سوځېدلې ده.
د مهر خبری اژانس لیکلی: "د ولسمشر او د هغه د ملګرو د سپرلۍ چورلکه پرون له خداافرین سیمې څخه تبریز ته د ستنیدو په حال کې وه چې د خرابې هوا له امله پېښه رامنځ ته شوه."
د ایران له ولسمشر سره په چورلکه کې د بهرنیو چارو وزیر حسین امیر عبداللهیان او د دوی په چورلکه کې سپاره اووه نور کسان وژل شوي دي.
تسنیم خبري اژانس د چورلکې د نسکورېدو د ساحې انځورونه خپاره کړي چې د چورلکې ټوټې په کې ښکاري.
دغه اژانس لیکلي چې دوه نورې الوتکې په خوندي توګه خپل هدف ته رسېدلي دي.
۶۳ کلن ابراهیم رییسي له ۲۰۲۱ کال راهیسې د ایران ولسمشر و.
د نوموړي له مړینې وروسته د هغه ۶۸ کلن مرستیال محمد مخبر اوس دایران هېواد موقت ولسمشر دی.
د نوي ولسمشر لپاره ټاکنې باید په ۵۰ ورځو کې ترسره شي.
