अस्ट्रेलियाली खेल जगतका स्टार खेलाडीहरू जलवायु परिवर्तनको मुद्दामा आफ्नो समर्थन जनाउँदै गइरहेका छन् ।
रग्बी युनियनका डेभिड पुकोक जलवायु परिवर्तनले अस्ट्रेलियाको खेल क्षेत्रलाई असर गरिसकेको बताउँछन् ।
“अस्ट्रेलियाली खेल क्षेत्र नराम्ररी प्रभावमा परिसक्यो ।”
यता पौडी खेलका अर्का स्टार खेलाडी ब्रोन्टे क्याम्बेलको भनाई पनि उस्तै छ ।
क्रिकेट जगतका स्टार प्याट कुमिन्स यो जलवायु परिवर्तनको दौडलाई जित्नु पर्ने धारणा राख्छन् ।
क्लाईमेट काउन्सिल अस्ट्रेलियाले गरेको अनुमानका अनुसार सन् २०४० सम्म सिड्नी र मेलर्वनमा अत्यधिक हिट वेभका कारण तापमान ५० डिग्री पुग्नेछ जसको प्रत्यक्ष असर खेल जगतलाई पर्ने छ ।
क्लाईमेट काउन्सिलकी प्रमुख एमेन्डा म्याकेन्जी भन्छिन् यसको लागि कुनै तैयारीहरू थालिएका छैनन् ।
सन् २०१४ मा गर्मीका कारण थुप्रै खेलहरू रद्द गरिए कैयन खेलाडी र करिब एक हजार दर्शकहरूलाई हिट स्ट्रोकका कारण उपचार गर्नु पर्ने अवस्था आयो ।
सन् २०१९, अस्ट्रेलियाको सबैभन्दा गर्मी भएको वर्षका रूपमा दर्ता भएको थियो ,जहाँ वर्षका ३० दिन भन्दा बढी ३९ डिग्रीको हाराहारीमा रहेका थिए ।
अस्ट्रेलियाकी पूर्व नेट बलकी खेलाडी सार्नी नोर्डार खेलहरूलाई तापक्रम अनुकूल बनाउन सुरु गरिसकिएको बताउँछिन् ।
खेलका प्रशिक्षणहरूलाई पछि सार्ने र खेलका दौरान लामा ब्रेकहरू लिन थालिएका छन् ।
रिर्पोटहरु भन्छन् दशकको अन्तिम वर्ष अर्थात् सन् २०१९ सबैभन्दा गर्मीको वर्षको रूपमा रहर्यो तर भविष्यमा यही वर्ष चिसो वर्षका रूपमा पनि गनिन सक्छ ।
Source: Sport Club Internacional
क्लाईमेट काउन्सिलकी एमान्डा म्याकेनजीज भन्छिन विश्वव्यापी उत्सर्जन जारी रहे डँडेलो जस्ता आगलागीका घटनामा वृद्धि हुनेछन् ।
यो सँग अस्ट्रेलियन खेल तालिकाहरूमा पनि व्यापक परिर्वतनहरु गरिनु पर्नेछ ।
जसमा गर्मी मौसममा तय भएका खेलहरू अन्य मौसममा सारिनु वा खेलहरू रातिको समयमा गरिनु हो ।
यसले करिब ५० खर्ब डलरको उद्योगलाई खतरामा पारेको छ ।
सार्नी नोडार भन्छीन गर्मी मौसममा अस्ट्रेलियामा खेलहरू आयोजना भए, अन्तर्राष्ट्रिय ख्यातिप्राप्त खेलाडीहरू खेल खेल्नका लागि यहाँ नआउन सक्छन् ।
Adelaide residents try and cool off at Glenelg Beach, with the state set to suffer through another heat wave. Source: AAP
क्लाईमेट काउन्सिलले चेतावनी दिएको छ कि पेरिस सम्झौताले विश्वको तापक्रमलाई दुई डिग्री कम राख्न सक्ने भए पनि अहिलेकै अवस्था रहे
अस्ट्रेलियाकै कैयन खेलहरू गर्मी याममा खेल्न योग्य रहनेछैनन् ।
