Ntsiab lus tseem ceeb:
- Allied health yeej ua hauj lwm nrog pib pab neeg ua hauj lwm kho mob los tiv thaiv, ntsuam mob thiab kho ntau yam mob sib txawv.
- Ib tug twg yeej muaj cai siv tau cov kev kho mob allied health, tab sis yeej tsis tshua muaj siv vim tsis muaj nyiaj pab tej kev kho mob no thiab yeej tsis uaj cov kev kho mob no siv ntawm tej zejzog.
- Medicare yeej tsis pab them cov kev siv cov kev kho mob allied health, tab sis tej zaum kuj pab qee zaus thiab.
Allied health ces yeej ib cov kev kho mob ntau yam uas muaj ntau pawg neeg sib txawv ntiag tug uas yeej tau kawm tiav tsev kawm qib siab los ua tej hauj lwm kho mob no. Thiab tej neeg no los yeej txawv tej kws kho mob, nurses, midwives (neeg pab poj niam yug me nyuam) thiab tej kws rho hniav tab sis kuj ua ib txoj hauj lwm tseem ceeb ntawm cov kev kho mob li pab tiv thaiv, pab ntsuam mob thiab pab kho ntau yam mob nkeeg thiab.
Tej kev kho mob no thiaj yog ib cov kev pab kho tej neeg hnoob nyoog sib txawv ntau yam thiab kho ntau yam mob nkeeg uas mob ntev, pab daws teeb meem nyuaj siab ntxov plawv, thiab pab tej neeg puas cev ntau yam.
Bronwyn Morris-Donova uas yog tus coj lub koom haum Allied Health Professions Australia (AHPA) qhia rau SBS tias "Yeej muaj ntau yam kev kho mob, thiab ib yam twg yeej muaj lub luag hauj lwm tseem ceeb pab kom tej neeg tau siv cov kev kho mob no tau txais kev noj qab nyob zoo thiab tau txais kev noj qab haus huv ntawm Australia no. Peb yog cov kev kho mob uas muaj neeg ua hauj lwm kho mob coob tshaj plaws ua zum ob uas tsim cov kev pab cuam kho mob no ntau tshaj 200 million cov services pab rau tej neeg mob ib xyoos twg diam."
Cov kev siv Allied health
Ms Morris-Donova tshab txhais tias "Ib tug twg yeej muaj cai siv tau cov kev kho mob allied health, tab sis tej zaum kuj tsis tshua muaj cov kev kho mob no rau tej neeg siv vim muaj ntau yam cuam tshuam li tsis muaj nyiaj pab txaus, los yog yuav tsis muaj cov kev kho mob no siv ntawm yus tej zejzog.''
Medicare yeej tsis pab them tej nqe kho mob uas siv cov kev kho mob allied healthcare services no, tab sis kuj yuav them rau qho tus thiab. Tej neeg uas muaj ib yam mob (uas mob ntev tshaj 6 hli) los sis yog cov mob uas yeej tsis muaj txoj xub ke kho tau zoo lawm yog cov neeg uas muaj cai yuav tau siv cov kev kho mob allied health no 5 zaug raws li cov kev pab cuam kho tej mob uas mob ntev teev tseg. Thiab yuav pab them tej kev kho mob txuas ntxiv no:
- Speech pathology (Qhia thiab xyaum kom hais tau lus meej)
- Diabetes education (Qhia kom paub txog kab mob ntshav qab zib)
- Audiology (Cov kev pab tej neeg tsis hnov lus)
- Exercise physiology (Cov kev pab tej neeg ua exercise kom seb lub cev puas rov qab siv tau hauj lwm)
- Dietetics (Cov kev pab qhia txog tej zaub mov thiab tej txiaj ntsim los yog muaj teeb meem ntawm tej zauv mov muaj rau lub cev)
- Mental health services (Kev pab daws kev nyuaj siab ntxhov plawv)
- Occupational therapy (Cov kev pab kom ib tug neeg twg ua tau ib yam dab tsi tseem ceeb)
- Physiotherapy (Siv cov kev zuaj, tau kev, exercise los pab tej neeg raug mob kom rov qab siv tau lub cev)
- Podiatry (Cov kev kho mob cuam tshuam txog ncej puab, kav hlaub, pob caj dab taw thiab taw)
- Chiropractic services (Cov kev kho mob pab rau tej pob txha uas tej zaum ua rau muaj teeb meem rau tej hlav txais kev paub (nerves, nqaij, tej khoom nrog cev)
- Osteopathy (Cov kev kho mob uas tswj thiab zuaj pob txha nrob qaum thiab nqaij)
Ntxiv ntawd los yeej tseem muaj ntau yam kev kho mob uas muaj peev xwm siv tau ntawm , rau tej neeg raug ntsuam tau tias muaj teeb meem nyuaj siab ntxhov plawv thiab uas mua cov kev pab cuam li:
- Psychology (Kev kev pab tej neeg txoj kev xav thiab tej cwj pwm)
- Occupational therapy (Cov kev pab kom ib tug neeg twg muaj peev xwm ua tau ib yam dab tsi)
- Social work (Cov kev pab cuam pab rau tej neeg ntiag tug, cuab yig, zejzog kom ntxeem dhau teeb meem ua tau lub neej thiab tau txais kev noj qab nyob zoo)
Txawm tias tej neeg mob yeej muaj peev xwm cia li siv cov allied health services yam tsis tas siv ntawv xa ntawm tej kws kho mob mus siv cov kev kho mob no, yog tias yog tej services uas yuav tau teev li hais saum toj no uas yuav tau siv cov kev kho mob no tswj lawv tus mob, npaj, los yog cuam tshuam txog kev nyuaj siab ntxhov plawv ces yuav tsum tau ib daig ntawv ntawm ib tug kws kho mob xa yus mus siv cov kev kho mob no.
Yog tias koj muaj private insurance ces cov nqe kho mob allied health no yeej raug teev tias yog cov kev kho mob 'extras' uas tej zaum tsuas them qee yam xwb tsuas nyob ntawm seb yus ho yuav cov private health zoo li cas xwb.
Lub tuam chav tswj dej num noj qab nyob zoo thiab tu tsom kwv tej laus taws qhia tias kom tej neeg siv cov kev kho mob alled health yuav tau tau txheeb tej nqe tas mus li nrog tej chaw tsim cov services no ua ntej yuav teem caij mus siv cov kev kho mob no.
Muaj cov kev kho mob twg siv
Allied health ces yeej muaj ntau yam kev kho mob coj los pab rau ib tug neeg ntiag tug twg thiab yeej raug kev pab tu tsom kwm tej laus, tswj tej mob nkeeg uas mob ntev, pab tej neeg puas cev, pab daws kev nyuaj siab, pab tej nqaij thiab pob txha thiab pab kom tej neeg rov qab siv tau lub cev thiab ua tau lub neej li qub.
Uas ib yam ntawm cov kev pab cuam ntawm allied health ces yog cov physiotherapy.
Yeej muaj tej Physiotherapists tsim ntau cov kev pab cuam thoob Australia, tsis hais yog tej chaw kho tej mob no ntiav, los yog tsev tsev kho mob zej tsoom, los yog tsev kho mob ntiav, thiab muaj siv ntawm tej chaw kho mob zejzog.
Ntxiav ntawd los yeej muaj ntau cov koom haum sib tw yeej tau ua hauj lwm zoo heev nrog tej physiotherapists kom thiaj pab tau tej neeg sib tw kom tau txais kev noj qab nyob zoo thiab.
Ann Fong yog ib tug senior physiotherapist ntawm Port Adelaide.
Senior physiotherapists, Ann Fong Credit: Ann Fong
Tej neeg mob uas nws pab tas mus li ces yog tej neeg muaj hnoob nyoog lawm thiab tej neeg raug mob cuam tshuam txog cov kev sib tw los yog raug mob cuam tshuam txog tej hauj lwm lawv ua. Yog li tej Physiotherapists thiaj pab tej me nyuam yaus us raug mob los ntawm cov kev sib tw los yog cov kev ua ntau yam.
Ms Fong tshab txhais tias "Raws li ib txwm paub mas tej Physiotherapist yog cov yuav pab tswj tej neeg tej mob los yog cov kev raug mob, siv cov kev ua exercise pab kom tej neeg rov qab siv tau lawv lub cev, siv ntaub nplaum los yog tej ntau looj pab kom tej neeg muaj peev xwm sib tw, los yog siv tej twj coj los pab kom tsis txhob mob nqaij, kom ib ce xoob, kom ntshav khiav zoo los yog tswj tej mob uas mob ntev.''
Chiropractors (tej kws paub kho tej mob cuam tshuam txog nqaij, pob txhab nrob qaum thiab tej pob qej txha) yeej yog ib cov neeg uas paub ntsuam, kho thiab tiv thaiv tej mob nkeeg cuam tshuam txog nqaij thiab pob txhab.
Ces lawv thiaj siv cov kev zuaj, cov kev rub, los yog pab ib yam dab tsi, thiab cov kev ua exercise los pab tej neeg tau tej mob no.
Dennice Perry yeej tau ua hauj txoj hauj lwm no ntawm Sydney los tau 35 xyoos lawm.
Dennice Perry, chiropractor with 35 years of experience Credit: Dennice Perry
"Chiropractor yeej muaj hom phiaj pab kom yus rov qab siv tau yus lub cev 100%. Yus muaj peev xwm mus txheeb yus lub cev seb puas tau txais kev noj qab nyob zoo kom thiaj tseem siv tau yus lub cev, kom yus thiaj tsis txhob muaj mob."
Nws hais ntxiv tias tej yam ntxwv mob li mob taub hau, mob nrob qaum, mob qhov ntswg kuj yuav ua rau muaj tau teeb meem rau yus thaum yus lub cev tsis muaj peev xwm ua tau hauj lwm li qub lawm thiab.
"Hos tej neeg uas pheej cuam tshuam txog cov kev sib tw, hais tsi ntsees txog cov kev sib tw theem siab lawm, ces yog yus lub cev muaj peev xwm ua tau hauj lwm zoo 100% ces yuav pab kom lawv sib tw tau zoo thiab yuav raug mob tsawg dua."
Allied health los kuj ua hauj lwm nrog tej neeg puas cev kom lawv thiaj tau txais kev noj qab nyob zoo thiab noj qab haus huv, thiab pab kom muaj peev xwm ua tau ntau yam ntawm txoj kev ua lub neej ib hnub twg.
Sue Chung yog ib tug pathologist (tus neeg pab kom lwm tus hais tau lus meej) ntawm Perth.
Nws hais tias speech pathologists yeej pab txheeb thiab kho tej me nyuam los yog tej laus uas pheej hais tsis tau lus meej, vim tej zaum lawv hais lus taj, puas cev los yog raug mob.
Nws tshab txhais tias "Cov kev tsis muaj peev xwm sib txuas lus nrog lwm tsis yog cov kev tsis muaj peev xwm tham/hais lus li muaj ntau yam nyuaj li hais tsis tau lus meej, tsis nkag siab tej lus, tsis muaj peev xwm nyeem, tsis muaj peev xwm seev/hais tau lub suab, pheej hais ua tab ua tau, hais ib los lus qub ntau zaus, tsis paub nrog lwm tus tham, tsis muaj peev xwm nqos los yog noj tau zaub mov.''
Sue Chung is a multilingual speech pathologist in Western Australia. Credit: Sue Chung
Yog tias hais tsis tau ib hom lus twg dua ntawm lus Aaskiv lawm, ces tsim nyog thov kev pab cuam ntawm tej kws paub yam lus ntawd zoo los pab mas thiaj yuav tau txais txiaj ntsim tshaj plaws. Vim tej neeg no totaub txog tus me nyuam ntawd zoo dua thiab muaj peev xwm yuav paj tau tej txheej txheem los pab tej cuab yig ntawd, thiab yuav muaj peev xwm tswj tau tej no zoo dua.
"Thiaj tseem ceeb uas tej cuab yig nrog xyuas kom ua tau raws li tib lub hom phiaj. Yog yus koom tes nrog tus speech theparist ntau npaum li cas ces haj yam pab tau zoo npaum li ntawd thiab yuav ua rau yus tau mus ntsib lawv tsawg dua.''
uas siv tau thoob plaws rau haiv neeg no, kom tej neeg ntiag tug puas cev thiaj muaj peev xwm siv tau cov kev pab cuam no.
Koj muaj peev xwm txheeb tau cov kev kho mob allied health ntau yam los pab txheeb, ntsuam thiab kho ntau yam mob tau ntawm lub koom haum los yog
Yeej muaj ib txhia allied health professionals yuav tsum yog tej uas teev zwm kom raug cai nrog lub koom haum mas thiaj muaj cai ua tau tej hauj lwm ntawm teb chaws Australia no, hos lwm cov allied health ces tsuas teev zwm kom raug cai nrog tej koom haum tswj tej hauj lwm lawv ua twg tsi ntsees xwb.
