Nod yog Australia cov neeg ua hauj lwm uas muaj neeg ntseeg siab thiab tsis ntseeg siab tshaj plaws

Xyoo no ces kuj tau coj tsab ntawv cej luam Ethics Index Report coj los cej luam qhia txog tej neeg ua hauj lwm uas neeg Australia ntseeg siab tshaj plaws thiab tsis ntseeg siab tshaj plaws. Peb ho mus txheeb tias seb yog cov lagluam twg.

Real estate agencies are still viewed with suspicion. Source: AAP / Lukas Coch

Ntsiab lus tseem ceeb:

• Bunnings yog lub tuam txhab uas muaj neeg ntseeg siab tshaj plaws thiab tau txeeb tau zum txaus ntseeg tshaj plaws ntawm Woolworths lawm.
• Public opinion on politicians is gradually improving.
• The gap between the value placed on ethical behaviour and perception is growing wider.

Tej neeg ua hauj lwm muag vaj tse yog cov neeg uas tau txais kev ntseeg siab tsawg tshaj plaws ntawm lub teb chaws no, hos tej neeg ua hauj lwm pab cawm tej xwm txheej kuv ntaiv (emergency services) yog tej neeg ncaj ncees tshaj plaws.

Lub koom haum Governance Institute of Australia Ethics Index cov kev teeb txheeb tshiab qhia tias kuj muaj cov kev vam kev cia siab tias xav kom qhia qhov tseeb thiab ua qhov tsim nyog ua ntau tuaj ntxiv ntawm lub teb chaws no lawm.

Tej neeg ua hauj lwm tua hluav taws thiab thauj neeg mob yog cov neeg ua hauj lwm uas tau txais kev ntseeg siab tshaj plaws, thiab tej kws tshuaj yog cov tau zum peb.

Tej neeg ua hauj lwm muag vaj tse yog cov neeg ua hauj lwm uas tau txais kev ntseeg siab tsawg tshaj plaws, tab sis tej chaw nthuav xov xwm los kuj raug xam tias yog tej uas tsis ua raws li qhov tsim nyog ua tshaj plaws thiab.

Tej neeg ua hauj lwm pab thiab thauj neeg mob yog cov neeg uas tau txais kev ntseeg siab tshaj plaws ntawm teb chaws Australia. Source: AAP / Julian Smith

Ces cov hauj lwm kho mob thiaj yog cov uas tau txais kev ntseeg siab tshaj plaws rau tej uas tsim nyog ua, tab sis kuj pom tias tej kws kho mob los yog tej chaw kho mob uas tsis siv cov bulk-bill yog cov uas uas tej tsis tshua tsim nyog ua thiab.

Ces thiaj muaj tej neeg uas tau hais tias ua qhov yog - yog tej yam tseem ceeb ntawm lub teb chaws coob heev tuaj ntxiv lawm, vim tau muaj tej neeg phaum Gen Xers thiab Millennials coob tuaj ntxiv. Tab sis kuj muaj phaum neeg Baby Boomers pom zoo txog tej no tsawg dua.

Kuj muaj cov kev xav zoo me ntsis ntxiv rau tej nom tswv lawm, tab sis kuj tseem yog tsib pawg neeg poob qab tom twv thiab.

Raws li tsab ntawv cej luam no qhia ces zej tsoom kuj muaj cov kev xav zoo me ntsi rau tej nom tswv thoob plaws rau txhua theem nom tuaj ntxiv lawm yog piv rau cov kev teeb txheeb tsaib no.

Thiab txawm tias muaj cov kev xav zoo zog rau lawv tuaj ntxiv lawm los tej nom tswv yeej tseem yog ib co poob qab tuaj tom tw ntawm 5 co neeg ua hauj lwm thiab.

Megan Motto uas yog lub koom haum Governance Institute tau hais tias muaj cov kev sib nrug deb ntawm cov tej cwj pwm zoo thiab cov kev lees paub txog tej no tuaj ntxiv lawm.

Nws tau hais tias "Tej no qhia tias tej koom haum thiab tej neeg ntiag tug tsis hais ntawm zej tsoom los yog ntiag tug tseem tshuav hauj lwm ntau yam heev yuav tau ua - kom thiaj ua tau qhov zoo thiab qhov tsim nyog ua thiab tswj tau tej kab lis kev cai zoo.''

Cov kev teeb txheeb no kuj txheeb tau tias cov kev los txo se theem peb uas tej zaum yuav ua rau tej neeg tau cov nyiaj JobSeeker ib nyuag ntau me ntsis tuaj ntxiv los kuj pom tias zoo li yog tej yam uas tsis tsim nyog ua, vim yog ib cov kev tsis ua raws li tej lus tau cog tseg rau lub caij xaiv nom, uas pom tias yog tej yam tsis tshua zoo thiab.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.