Yam tsim nyog ua thiab txhob ua thaum koj mus ncig national parks

Australia ces yeej yog lub teb chaws muaj ntau yam tej neeg nyiam tawm mus ncig rau ib qhov qhov twg, thiab tej national parks yeej yog ib txoj huav kev rau tej neeg mus ncig xyuas Australia tej toj roob hauv pes hav zoov hav tsuas thiab tej ib puag ncig. Tsis hais koj yuav mus ploj qab thus dej saib ntses ntawm cov paj pob zeb hiav txwv Great Barrier Reef los yog mus saib tej tsiaj nruab nrag ntawm lub pov txwv Kangaroo Island los yog mus koom tau Australia tej keeb cag neeg tej kab lis kev cai ntawm lub roob liab Uluru hauv plawv teb chaw Australia los yog cov kev pov puag koj tus kheej los yog tej ib puag ncig los yeej yog tej yam tseem ceeb kawg nkaus li thiab.

Kakadu National Park Source: Wikimedia Commons/Dietmar Rabich/CC BY-SA 4.0

Xub thawj ces mus txheeb tej chaw koj yuav mus ncig hauv online

Ua ntej koj yuav mus ncig ib thaj chaw twg, xav kom npaj mus xyuas tsoom hwv tej vas sab uas qhia txog tej chaw ncig raws li hauv qab no.

Koj yeej muaj peev xwm kawm kom paub txog tej ib puag ncig ntawm tej chaw yuav ncig ntawd tias seb zoo li cas, muaj xov xwm dab tsi qhia txog tej chaw ncig ntawd, puas tau them nqe mus ncig thaj chaw ntawd, ho ua tau dab tsi ntawm thaj chaw ntawd thiab tej huab cua ho zoo li cas.

Tsis txhob kov los yog txhob mus taug kev rau Australia tej keeb cag neeg tej chaw muaj keeb kwm qub thiab ntev heev los lawm.

Cov national parks ces feem ntau yeej yog cov chaw hav zoov thiab tej chaw tseem ceeb cuam tshuam txog Australia tej keeb cag neeg.

Tej chaw hais no ces yeej muaj cov pob zeb uas raug kos duab rau, tej chaw sib ntsib, tej chaw ua kev cai dab qhuas thiab ntau thaj chaw uas tseem ceeb rau tej kab lis kev cai ntawm Australia tej keeb cag neeg.

Tsoom fwv Australia yeej yog tus tswj 6 lub vaj national parks thiab 13 thaj chaw uas pov puag tej tsiaj nruab deg feem ntau mas yeej tau koom tes nrog Australia tej keeb cag neeg.

Uluru-Kata Tjuta National Park, Flickr/nosha/CC BY-SA 2.0

Puas yuav tau them nyiaj?

Ntau lub national parks yeej sau tej neeg mus xyuas tej parks no yog tias koj tsav tsheb nkag mus rau hauv tej parks, tab sis yog taug ko taw ncig thiab caij tsheb kauj vab xwb ces yeej mus dawb xwb tsis tau them dab tsi.

Yog tias koj pheej mus ncig ib lub national park tas mus li, ces ces yeej muaj cov nqe cover cov national parks rau koj mus ncig tau rau lub caij holidays, rau lub sij hawm ntau hnub los yog txwm ib xyoo kiag thiab, kom ho pab tau koj txhua tau nyiaj kom txhob tau them tus nqe kim tau thiab.

Tej xeev feem ntau yeej muaj cov yuaj (tickets) uas tso cai rau koj mus xyuas tau ntau zaus tab sis koj tsis muaj peev xwm coj cov yuaj ntawm ib lub xeev mus siv rau lwm lub xeev thiab.

Yuav ua li cas thiaj tau txais kev nyab xeeb?

Yog koj txiav txim siab mus xyuas ib lub national park rau ib qho chaw deb twg lawm ces yuav tsum tau qhia rau ib tug neeg twg paub ua ntej tias koj yuav mus ncig xyuas lub park ntawd.

Thiab xav kom koj npaj zaub mov, dej haus thiab ris tsho sov hnav nqa nrog koj mus. Tsis txhob lawm mus pla rau tej chaw nrug deb ntawm txoj kev loj uas neeg ib txwm ncig to tog thiab txhob mus hla rau tej chaw uas muaj laj kab thaiv tsis pub tej neeg mus.

Great Australian Bight, Wikimedia Commons/Nachoman-au/CC BY-SA 3.0

Npaj tej tshuaj koj koj txhob raug tshav ntuj kub los yog xyuas kom koj tau txais kev nyab xeeb yog xav ua luam dej

Txawm koj mus xyuas national parks xwb los yeej tsim nyog koj yuav tau pleev tshuaj kom tshav ntuj txhob kub thiab. Siv cov sunscree thiab ntoo koos mom pab koj.

Thiab yog tias koj txiav txim siab xav mus ua luam dej, ces yuav tsum tau ib tib zoo xyuas seb thaj chaw koj yuav ua luam dej ntawd puas tob npaum li cas, tshav ntuj puas kub li cas los yog cov dej ntawm thaj chaw ntawd dej zoo li cas (teeg, kiv, ntaus yis, ceev, ntswj). Thiaj yuav tsum tau ceev faj thaum koj tab tom taug kev rau ntawm tej pob zeb raws tej ntug hiav txwv, thiaj tsis xav kom koj mus ze rau tej dej uas muaj kheb.

Nqa koj tej khoom seem txeej nrog koj rov qab

Vim tej national parks yog ib cov chaw tau txais kev pov puag thiab tsis pub neeg txov thiab yeej dav yuav laug txog ib feem 4 ntawm tej av tag nrho ntawm teb chaws Australia no diam, ces thiaj yog ib cov chaw muaj tej toj roob hauv pes, hav zoov hav tsuag, xyoob ntoos thiab tej tsiaj txhu ntau yam.

Cov kev muab tej khoom seem txeej pov tseg rau tej chaw no yuav muaj teeb meem loj heev rau tej ib puag ncig. Yog li ntawd tom qab koj ci nqaij noj tas los yog noj mov tag ntawm lub national park uas koj nyiam mus ncig ntawd xav kom koj yuav tsum nqa tag nrho tej khoom seem txeej nrog koj rov qab mus tsev. Nrhiav tau xov xwm ntxiv txog Parks Australia tau.

Hyams Beach, Wikimedia Commons/Charliekay/CC BY-SA 4.0

Lwm cov xov xwm tseem ceeb uas koj txheeb tau ntxiv:

Parks Victoria: http://parkweb.vic.gov.au/

Northern Territory Parks and Wildlife Service: https://dtc.nt.gov.au/

NSW National Parks and Wildlife Service: http://www.nationalparks.nsw.gov.au/

Queensland Department of National Parks, Recreation, Sports and Racing: https://www.npsr.qld.gov.au/

National Parks South Australia: http://www.environment.sa.gov.au/parks/Home

Western Australia Department of Parks and Wildlife: https://www.dpaw.wa.gov.au/

Tasmania Park and Wildlife Service: http://www.parks.tas.gov.au/

CT Parks and Reserves: http://www.environment.act.gov.au/parks-conservation/parks-and-reserves

---

Txhua tus neeg ntawm teb chaws Australia yuav tsum nyob kom nrug ntawm lwm tus neeg deb li 1.5 metres, thiab nom tswv tsuas pub 2 tug neeg ua ke xwb tsuas yog tias ntshe tej neeg ntawd ho yog koj tsev neeg los yog koj yim neeg uas yog tib lub tsev ua ke xwb.

Tam sim no yeej muaj ntau cov COVID-19 clinics thoob teb chaws Australia no rau koj mus sim seb puas yog kis tus mob coronavirus no lawm. Yog koj ntseeg tias tej zaum koj kis tau tus kab mob virus no lawm, txhob mus ntsib koj tus kws kho mob tab sis hu mus nrog koj tus kw kho mob tham los yog hu mus rau lub koom haum National Coronavirus Health Information Hotline tus xov tooj 1800 020 080. Thiab yog koj txog txog siav ua tsis tau pa thiab mob hnyav heev ces hu rau tus xov tooj 000 thov kev pab cuam tau.

SBS yeej kub siab los qhia tej xov xwm tshiab txog cov kab mob coronavirus (COVID-19) ua 63 hom lus rau Australia tej neeg zej zog. Yog koj xav paub txog ntau yam xov xwm ua ntau hom lus ces koj mus txheeb xyuas tau ntawm sbs.com.au/coronavirus thiab txheeb xyuas tau cov xov xwm no ua ntawv Hmoob thiab lus Hmoob tau.

Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.