Australia siv nyiaj puag xyoo ntau heev. Nod yog tej uas coj mus siv

Nod yog tej hauj lwm uas tsoom fwv teb chaws tej nyiaj puag xyoo 2024 yuav zoo li cas yog tias tsuas siv $100 xwb.

The budget contains billions in spending. Here, SBS News breaks it down.

Tau siv nyiaj ntau tshaj $734 billion rau tsoom fwv teb chaws cov nyiaj puag xyoo 2024 uas siv rau ntau yam txij li Medicare mus txog rau cov hauj lwm tiv thaiv teb chaws.

Treasurer Jim Chalmers tau tham txog tej tswv yim los pab daws tej nuj nqes siv ua lub neej thiab cov kev txo se rau hmo zwj Quag (Tueday) uas nws tau los qhia txog tej nyiaj puag xyoo ntawd, tab sis tej paub ntawv uas teev txog tej nyiaj puag xyoo no kuj tseem qhia txog tej xov xwm ntxaws heev tias tau nyiaj qhov twg los thiab yuav coj mus siv ua dab tsi.

Yog muab tej nyiaj uas tsoom fwv siv no piv tias yog $100 ces nod yog tej hauj lwm uas nws coj mus siv ua dab tsi raug nyiaj ntau npaum li cas.

Coj tej nyiaj puag xyoo no mus siv ua dab tsi

Nod yog ib qho piv txwv tias yog tsoom fwv tej nyiaj puag xyoo yog $100 xwb nws ho coj mus siv ntau npaum li cas thiab siv ua cov hauj lwm dab tsi.

Ntawm tej nyiaj puag xyoo tag nrho $100 uas yuav raug coj mus siv ntawd ces yuav coj mus siv pab sej tsoom ntau dua $36, siv pab cov hauj lwm kho mob txog li $25.34 thiab siv pab cov hauj lwm kev kawm txog li $7.22.

Ces tseem txog li ntawm $41, thiab yuav siv $6.53 pab tej hauj lwm tub rog, thiab siv $2.73 los yuav roj thiab them nqe hluav taws xob - suav cov kev pab them nqe qee yam, thiab siv $3.28 coj mus them tej paj rau tej nuj nqe uas tsoom fwv tiv.

Yog piv rau qee cov kev siv nyiaj ntau dua: li cov kev pab cuam tej neeg puas cev (National Disability Insurance Scheme -NDIS) ces yuav siv nyiaj txog $6.63 ntawm $100, siv $13.31 tsim cov kev pab cuam thiab cov kev tu tsom kwm pab rau tej laus neeg, thiab siv nyiaj txog li $4.35 pab rau tej kev pab cuam rau tej tshuaj thiab kev kho mob.

Ho tau nyiaj qhov twg los siv

Nod yog qhia tias tau nyiaj qhov twg los rau tsoom fwv siv.

Piv txwv tias yog tau nyiaj $100 ntawm lub tuam chav tswj nyiaj txiaj rau tsoom fwv siv, ces yog tau tej nyiaj no txog li ntawm $48.33 dollars ntawm Australia tej neeg ntiag tus cov kev them se los yog lwm cov kev sau se.

Tej tuam txhab lagluam kuj tsuas them se tshaj $20 xwb, thiab kuj tau nyiaj txog $12.39 los ntawm cov se Good and Services Tax (GST).

Thiab kuj tau nyiaj txog li $3.64 los ntawm cov kev sau se rau tej roj petrol, diesel thiab lwm yam roj, thiab tau $1.52 los ntawm cov kev sau se rau tej luam yeeb, thiab tau 86 cents los ntawm cov kev sau se rau tej beer thiab dej cawv.

Tsuas tau 48 cents ntawm tag nrho tej nyiaj $100 uas nom tswv tau los ntawm cov kev sau nqe thov visa siv xwb.

Nod yog tsoom fwv coj tej nyiaj coj mus siv ua dab tsi thiab tau nyiaj qhov twg los

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.