Yeej muaj cov kev txhawb nqa kom neeg Australia siv lawv cov nyiaj superannuation los 'kho kom tau kaus hniav zoo nkauj' thiab yog ib co xwm txheej uas tau ua rau pawg tswj ntawm lub koom haum rho hniav thiab lwm cov kws muaj kev txhawj xeeb.
Ces thiaj tau muaj tej neeg rho nyiaj coj los siv kho hniav ntawm teb chaws Australia ntau tuaj ntxiv txog 373 feem pua 5 xyoos dhau los lawm raws li Australia lub koom haum sau se (Australian Tax Office -ATO) tej statistics tau qhia.
Xyoo 2022/23 ces tau rho tej nyiaj superannuation txog li ntawm $313 million, uas muaj tej nyiaj no raug rho los siv ntau dua 83 feem pua piv rau tej tau rho tsaib ub.
Ces cov kev rho tej nyiaj super ntau tuaj ntxiv coj los kho hniav no thiaj ua rau pawg tswj ntawm lub koom haum rho hniav uas tswj tej kws/chaw kho hniav ntawm Australia muaj kev txhawj xeeb.
Dr Murray Thomas uas yog tus coj ntawm lub koom haum Dental Borad of Australia tau hais tias "Pawg tswj lub koom haum no yeej muaj txoj kev txhawj xeeb txog tej nyiaj uas raug rho siv ntau tuaj ntxiv thiab pom tias yog ib co xwm txheej tab tom muaj uas tej zaum yuav ua rau muaj kev tsis txaus siab ntau tuaj ntxiv sai sai rau tom ntej no.''
Pawg tswj no thiaj qhia rau tej chaw rho/kho hniav tias 'cov kev pab cuam rau tej kev rho/kho hniav zoo cuam tshuam nrog cov kev los xyuas kom tej neeg mob tau siv tej kev kho mob raws li qhov tsim nyog tau siv, thiab kom tau txais txiaj ntsim rau tej neeg mob.''
Cov kev rho nyiaj super siv tau raug coj los siv ua ib txoj xub ke pab kom 'kho tau yus tej kaus hniav zoo nkauj'
Txawm tias tej zaum yuav muaj peev xwm los rho tau yus tej nyiaj superannuation coj los siv yog tias yus muaj mob thiab yuav tau siv coj mus kho mob, los yeej muaj ib co kev txwv tias tej xwm txheej zoo li cas thiaj pub rho tej nyiaj no coj los siv xwb thiab.
Thiab tej kev kho mob uas yuav tau rho tej nyiaj no siv mas tsuas yog tej kev kho mob uas yuav ua rau muaj kev phom sij rau ib tug neeg txoj sia los sis yog kho tus neeg raug mob xwb; los sis yog los pab kom tus neeg ntawd tsis txhob mob sab sab los sis pab tus neeg uas muaj ib yam/ntau yam mob ntev; los yog pab tej neeg uas muaj teeb meem nyuaj siab ntxhov plawv loj xwb.
Yog yus mus tshawb hauv tej social media sai sai kiag xwb ces yeej pom tias muaj ib co kev haub tau yaum los ntawm tej kws rho hniav yeej tau siv nyiaj super coj los txhawb nqa kom tej neeg rho coj mus siv kho/rho hniav, thiab qhia tias yog ib txoj xub ke pab 'kom tau tej hniav zoo nkauj'.
Ib co kev haub tau yaum hauv Facebook tham txog cov kev siv nyiaj superannuation kho/rho hniav. Source: SBS
Shane Oliver uas yog AMP tus chief economist tau hais tias thaum uas tej neeg tau siv nyiaj ntau heev los kho/rho hniav, los sis yog coj los pab kom lawv lub cev zoo nkauj, ces kuj tsis yog tej yam tsim nyog.
Mr Oliver tau hais tias "Vim li cas thiaj tsis teev cov kev kho/rho hniav nrog cov kev kho mob Medicare? Rau qhov yog tias tsuas yog ib cov kev xaiv rau yus siv rho/kho hniav los yog siv pab kom yus lub cev zoo nkauj xwb ces peb yuav tau nug tias puas tsim nyog thiab.''
Neeg Australia tau rho nyiaj ntau million dollars ntawm lawv tej nyiaj superannuation mus siv them ntau cov kev kho mob. Source: SBS
Azize hais tias ''Tej zaum lawv tsuas khwv tau nyiaj tsawg los sis yog tej zaum kawv pheej siv tej nyiaj lawv khwv tau los txog li 60-70 feem pua ntiav tsev nyob lawm. Ces thiaj ua rau tej neeg rho tej nyiaj super coj los siv li no.''
Thiab yog xam tag nrho lawm ces tej nyiaj uas tau raug rho coj los siv raws li ntau yam laj thawj uas hlub tshua tej neeg ntawd yeej raug rho ntau tuaj ntxiv txog 69 feem pua rau lub caij 5 xyoos, uas muaj 39,600 tus neeg tau rho tej nyiaj superannuation sib sau ua ke tag nrho txog li $762 million xyoo 2022/23 diam.
Thiab kuj tau coj tej nyiaj no coj mus siv kho/rho hniav ntau tuaj ntxiv txog li 41 feem pua lawm thiab.
Tsis tas li ntawd los tej neeg Australia kuj tau coj tej nyiaj no txog li $249 million coj mus siv phais lawv lub cev kom yug, thiab tau siv txog li $48 million coj mus siv cov IVF pab kom muaj me nyuam.
'Tej teeb meem loj' uas yuav muaj rau cov kev rho yus cov nyiaj super los siv
Oliver tau hais tias tej teeb meem ntau yam uas yuav muaj tau los ntawm cov kev xub rho tej nyiaj superannuation coj los siv thaum ntxov ntawd yog ib co loj heev thaib tsuas tsim nyog rho coj los siv pab daws tej xwm txheej ti tes ti taw tiag tiag xwb.
Ces Oliver thiaj tau los siv ASIC MoneySmart tej twj coj los piv 3 cov nyiaj super sib txawv tias ho yuav muaj teeb meem li cas.
Nws tau hais tias yog ib tug twg tau rho nws tej nyiaj super txog li $5,000 thaum muaj hnoob nyoog 30 xyoo, ces yuav ua rau nws muaj tej nyiaj super no tsawg dua $46,000 thaum nws nto hnoob nyoog 67 uas so tsis ua hauj lwm lawm.
Tej nyiaj no ces yeej xam tej nyiaj poob nqe nrog, tab sis Oliver tau hais tias txawm tsis xam tej no nrog los yeej tseem ua rau tej neeg poob nyiaj txog li $18,468 tam sim no thiab.
Yog koj rho koj cov nyiaj superannuation $20,000 siv thaum koj muaj hnoob nyoog 30 xyoo, ces txog thaum koj muaj hnoob nyoog 67 xyoo uas so tsis ua hauj lwm lawm yuav ua rau koj muaj tej nyiaj no tsawg dua $184,201. Source: SBS
Thiab yog yus rho tej nyiaj superannuation no ntau npaum li cas ces yuav ua rau yus tau nyiaj haj yam tsawg ntxiv.
Piv txwv li yog ib tug twg rho nws cov nyiaj super li $10,000 siv ces thaum so tsis ua hauj lwm lawm ces nws yuav muaj tej nyiaj no tsawg dua $92,000, hos yog rho $20,000 ces yuav ua rau nws muaj nyiaj super tsawg dua $184,000 tom qab 37 xyoo tuaj.
Tej zaum kuj yuav zam rau cov kev rho nyiaj super los siv rau cov kev kho mob IVF pab kom muaj taus me nyuam thiab
Oliver tau hais tias vim yuav ua rau muaj teeb meem loj heev rau cov kev rho tej nyiaj super siv ces thiaj tsim nyog txwv tsis txhob pub rho tej nyiaj no coj los siv, tsuas yog tias ntshe ho yuav tau rho coj los siv daws tej xwm txheej uas yuav muaj kev phom sij rau ib tug twg txoj sia xwb.
Tab sis Oliver yeej tau lees paub tias tej zaum kuj tsim nyog tso cai rau tej neeg rho tau lawv tej nyiaj superannuation coj los siv cov kev kho mob in virtro fertilisation (IVF) pab kom lawv muaj tau me nyuam thiab.
Tej zaum tej neeg kuj yuav muaj peev xwm rho tau lawv tej nyiaj super los siv cov kev kho mob IVF thiab tab sis lawv yuav tsum muaj pov thawj qhia tias yuav ua rau lawv muaj teeb meem nyuaj siab ntxhov plawv li cas thiab.
Oliver tau hais tias "IVF yog ib yam nyuaj [vim cuam tshuam nrog hnoob nyoog] rau ib tug neeg xav siv pab kom lawv muaj me nyuam. Vim rau qhov tej txiaj ntsim pab tsim kom tau ib txoj sia los yog ib tug me nyuam ntawd ces yeej yuav tseem ceeb tshaj qhov uas tau siv lawv tej nyiaj super lawm.''
Australians withdrew $45 million from their superannuation in 2022/23 to fund IVF treatments.
Hais txog cov kev rho nyiaj super coj mus yuav tsev ne?
Tsis ntev los no kuj tau muaj cov kev sib teev theev tias seb puas tsim nyog tso cai rau neeg Australia rho lawv tej nyiaj super mus yuav tsev.
Kuj tau musj tsev kis xeev siab tau mus txheeb txog Australia tej retirement system thiab kuj tau coj ib tsab ntawv cej luam txheeb txog tej hauj lwm no thaum ntxov coj los cej luam rau lub hli no tias tsim nyog tso cai rau tej neeg xub yuav thawj lub tsev nyob rho tau lawv tej nyiaj super coj mus zoj kom yuav tau tsev nyob.
Tsis tas li ntawd los kuj muaj pov thawj qhia tias ib tug neeg muaj hnoob nyoog 35 xyoos rho tau $160,000 coj los siv tam li yog cov nyiaj 20 feem pua coj mus zoj yuav ib lub tsev unit raug tus nqe $800,000 ces yog thaum nws so tsis ua hauj lwm lawm ces lub tsev ntawd yuav muag tau tus nqe $1.2 million li tau nyiaj tam sim no lawm.
Tab sis yog tias cia tej nyiaj super ntawd nws nyob nws hauv tej superannuation account, ces tsuas tau txog li $319,000 xwb.
Yog li lwm pab nom teb chaws thiaj txhawb nqa kom tso cai rau neeg Australia rho tau tej nyiaj super txog li 40 feem pua — los sis yog rho tau ntau kawg nkaus txog li ntawm $50,000 — coj mus siv yuav thawj lub tsev rau lawv nyob.
Tab sis Oliver tau hais tias lub tswv yim no tsis yog ib lub tswv yim yuav siv coj los pab kom yuav tau tej tsev muaj peev xwm yuav tau nyob vim yog ib lub tswv yim uas yuav ua rau tej nqe tsev kim tshaj qub ntxiv xwb.
Nws tau hais tias "Yog tias yus pheej qhia rau txhua leej txhua tus tias lawv muaj peev xwm yuav rho tau lawv tej nyiaj super txij li ntawm $20,000 txog $30,000 — ces yuav ua rau tej nqe tsev hloov kiag los kim npaum li ntawd ntxiv lawm txawm tias tsis kim tshaj ntawd, vim rau qhov tias yeej muaj neeg coob ntxiv tuaj muaj nyiaj ntau tuaj ntxiv siv lawm. Ces haj yam yuav ua rau tej nqe tsev kim tuaj ntxiv thiab cov phaum neeg Baby Boomers (yug lub caij 1946-1964) thiab phaum neeg Gen X (yug 1965-1980) uas nyiam txhawb nqa kom ua tej no, yuav ras los ua cov neeg nplua nuj tuaj ntxiv xwb.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
