Yeej muaj peeb coob tus xav tau nyiaj hli ntau ntxiv — tab sis koj puas paub tias txoj xub ke twg thiaj yog cov zoo tshaj plaws uas yuav pab kom yus khwv tau nyiaj ntau tuaj ntxiv?
Raws li lub koom haum SEEK cov kev teeb txheeb tshiab qhia ces yeej muaj tej neeg Australia txhua txhua 3 tug ntawm 4 tug twg (85 feem pua ntawm neeg Australia) ntseeg tias yuav tau rau siab ua hauj lwm, thiab kawm kom muaj txuj ci paub ua hauj lwm mas thiaj yuav khwv tau nyiaj ntau tuaj ntxiv.
Tab sis tej zaum kuj yuav tsis yog li hais ntawd thiab los kuj tau.
Yuav ua li cas thiaj tau nyiaj hli zoo tshaj qub ntxiv?
Lo lus teb luv luv ces yog hloov ua dua tej hauj lwm tshiab xwb.
Raws li lub koom haum SEEK cov kev tshawb fawb uas txheeb tau ntawd ces pom tau tias tej neeg tau hloov ua dua hauj lwm tshiab xyoo 2023 yeej khwv tau nyiaj hli ntau tshaj 1.6 feem puas yog piv rau tej uas tseem ua tib txoj hauj lwm qub.
Yog thaum peb xav txog tej neeg Australia cov kev ntseeg tias yog yus rau siab ua hauj lwm thiab kawm kom muaj txuj ci paub ua hauj lwm thiab los siv tej txuj ci ntawd pab ua yus tej hauj lwm, thiab siv yus cov kev txawj ua hauj lwm ces yuav muaj peev xwm sib khom kom tau nyiaj zoo tshaj qub ntxiv - tsis hais tej nyiaj uas tsim nyog khwv tau los yog lwm yam txiaj ntsim yuav tau txais rau txoj hauj lwm ntawd - uas feem ntau mas yeej yog tej yam yog lawm yog thaum yus xav txog tej tswv yim yuav pab kom yus khwv tau nyiaj ntau tuaj ntxiv.SEEK's head of customer insights and strategy, Aimee Hutton, said.
Puas yog yus yuav tsum hloov ua dua txoj hauj tshiab xwb teb thiaj yuav khwv tau nyiaj hli zoo tshaj qub ntxiv?
Txawm tias cov kev hloov ua ib txoj hauj lwm tshiab yog ib txoj xub ke yooj yim tshaj plaws ntawm ntau cov xub ke uas yuav pab kom yus khwv tau nyiaj hli ntau tuaj ntxiv, los kuj tsis yog tib lub tswv yim uas yuav pab kom yus khwv tau nyiaj ntau tuaj ntxiv xwb thiab.
Hutton tau hais tias "ib feem tseem ceeb heev" uas yuav pab kom yus khwv tau nyiaj ntau tuaj ntxiv rau yus txoj hauj lwm uas yus tseem ua tam sim no ces yog cov kev nkag siab txog tias seb yus ho pab kom lub tuam txhab lagluam ntawd tau txais txiaj ntsim dab tsi.
Nws tau hais tias cov kev pib teeb txheeb tias seb lwm tus ho khwv tau nyiaj npaum li cas rau tib txoj hauj lwm yus tab tom ua tam sim no kuj yog tej yam tseem ceeb ua chaw pib rau yus thiab.
Thaum yus totaub tias yus tsim nyog khwv tau nyiaj li cas lawm, ces yuav tau tham qib siab lug nrog yus tus manager tias tsim nyog yus khwv tau nyiaj npaum li cas rau yav pem suab, thiab yuav tsum qhia meej tias yus ho tau ua dab tsi coj los pab, thiab yus ho kawm tau tej txuj ci dab tsi coj los pab ua yus txoj hauj lwm, thiab tej no ho pas lub tuam txhab lagluam no kwv tau nyiaj li cas?SEEK's head of customer insights and strategy, Aimee Hutton.
Raws li Hutton tau hais ces yog tham txog cov kev thov nce nyiaj hauj lwm kom ntau ntxiv no, ces yus yuav tsum ntseeg yus lub tsab peev xwm, thiab yus ho tau ua dab tsi coj los pab txoj hauj lwm ntawd thaum yus mus sib khom nrog yus tus tswv lagluam.
Yus yuav tsum tau nco tias yog ib cov kev sib tham kom ob tog muaj txoj kev nkag siab tib yam. Tsis yog yus pheej xav tias tsim nyog yus khwv tau npaum li cas kom thiaj tau nyiaj txaus los them nuj nqes xwb; tab sis kom xav txog cov theem nyiaj hli uas yus xav khwv kom tau, thiab yuav tau muaj cov kev tham qib siab lug kom muaj kev sib totaub tias vim li cas yus thiaj ntseeg tias yus muaj tej txuj ci thiab cov kev paub ua hauj lwm uas tsim nyog kwv tau tej nyiaj hauj lwm ntawd.SEEK's head of customer insights and strategy, Aimee Hutton.
Hutton kuj tau hais tias yog tias yus tus tswv lagluam tsis muaj peev xwm yuav them tej nyiaj hauj lwm li yus xav thov ntawd, ces kuj nug seb yus ho puas tau txais lwm yam txiaj ntsim dab tsi, li xaiv tau lub sij hawm ua hauj lwm yooj yim rau yus los yog xyuas kom ho tau cov hnub so uas so ib xyoos ib zaug kom ntau ntxiv.
Khwv tau tej nyiaj hli nrab ntawm Australia no npaum li cas?
Raws li tej xov xwm tau los ntawm lub koom haum Australian Bureau of Statistics (ABS) ces tej nyiaj hauj lwm uas tej neeg ua hauj lwm full-time khwv tau raws tus zauv nrab ntawm ib limtiam twg ntawm Australia no ces yeej tau txog li ntawm $1,888.80, los sis yog khwv tau txog $98,217.60 rau ib lub xyoo twg.
Hos cov nyiaj hauj lwm theem nrab uas khwv tau ib xyoos twg ntawm Australia no ces khwv tau tsawg dua tej xub hais dhau los saum toj no txog li $30,000.
Thiab raws li ABS tej xovxwm tshiab qhia ces khwv tau $1,300 ib limtiam tawg, los sis yog khwv tau $67,600 rau ib lub xyoo twg.
Tej hauj lwm dab tsi thiab tej lagluam twg yog cov khwv tau nyiaj hli ntau tshaj plaws?
Raws li tej xov xwm uas tau los ntawm lub tuam txhab SEEK qhia ces tsaib no ces 6 yam hauj lwm ntawm 20 yam uas khwv tau nyiaj hli ntau tshaj plaws ntxiv ntawm teb chaws Australia no ces yog cov hauj lwm pab cuam zej tsoom thiab txhim kho.
Muaj 3 yam hauj lwm ces yog cov hauj lwm ntawm tej khw muag khoom me thiab muag tej khoom siv, tej hauj lwm tsim khoom, transport thiab logistics, tsis tas li ntawd los kuj muaj 2 yam hauj lwm ces yog cov hauj lwm tswj dej num noj qab haus huv thiab kho mob.
Hos 5 co hauj lwm uas khwv tau nyiaj ntau ces yog cov neeg kho tej tshuab loj, thiab txuas tooj txuas hlau (fitter technicians), tej engineer uas muaj ntaub ntawv raug cai kho dav hlau, tej neeg mus tu thiab saib xyuas ib tug neeg twg ntawm lawv tsev, tus neeg ua hauj lwm pab lwm tus, thiab tej neeg tsav tsheb trucks thauj khoom uas thauj thiab xa mus deb.
Hos tej coj los yog tej tub koom siab ntawm cov lagluam retail, planners, operation engineers, thiab carers los kuj tau nyiaj hli ntau tuaj ntxiv kawg li thiab.
Source: SBS
Vim li cas thiaj tau nyiaj hli ntau ntsxiv thiab ho yuav ua li cas kom yus thiaj tau txais txiaj ntsim?
Hutton tau qhia tias yeej muaj ntau yam laj thawj qhia tias vim li cas ib txhia lagluam twg thiaj khwv tau nyiaj hli ntau dua lwm cov lagluam.
Vim ntau mas yog ib co lagluam twg xav tau tej neeg ua hauj lwm ntau heev yuav ua rau kwv tau nyiaj hauj lwm ntau, tab sis kuj cuam tshuam txog cov kev muaj tej txuj ci thiab cov kev paub ua hauj lwm nrog thiab. Piv txwv li tej txuj ci paub zoo txog cov Artificial Intelligence (AI), technology, data thiab security ... ces yog koj muaj tej txuj ci tshiab no coj mus pab ib cov lagluam twg ces yuav pab kom khwv tau nyiaj hli ntau tuaj ntxiv.SEEK's head of customer insights and strategy, Aimee Hutton.
Hutton tau hais tias thiaj xav kom siv tej lagluam uas khwv tau nyiaj ntau no kom tau txais txiaj ntsim rau yus, thiab yog tej yam tseem ceeb uas yuav tau teeb txheeb kom paub tias tej hauj lwm ntawd xav tau tej neeg uas muaj tej txuj ci los yog cov kev paub ua hauj lwm zoo li cas.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
