Ntsiab lus tseem ceeb:
- Tsoom fwv teb chaws yuav nqe peev nyiaj $925 million los pab rau cov hauj lwm Leaving Violence Program rau lub sij hawm 5 xyoos.
- Cov program no yuav pab nyiaj txog li $5,000 rau tej neeg tsiv tawm ntawm tej teeb meem kub ntxhov hauv lub cuab yig.
- Tsis tas li ntawd los lawv kuj tseem yuav tau siv lwm cov kev pab cuam, yuav tau txais kev pab txheeb tias seb lawv puas yuav raug tej teeb meem no thiab npaj kom lawv tau txais kev nyab xeeb.
Sai sai no ces tej neeg tsiv tawm ntawm tej teeb meem kub ntxhov hauv lub cuab yig yuav tau txais nyiaj pab cuam txog li ntawm $5,000 tam li yog ib feem ntawm tsoom fwv cov kev pab cuam coj los tawm tsam nrog tej teeb meem kub ntxhov uas pheej muaj rau tej poj niam.
Thawj pwm tsav Anthony Albanese tau qhia txog tej no tom qab tau ua tus tswj lub rooj sab laj virtual meeting nrog tej hau xeev hauv rau hnub zwj Feej (Wednesday) sawv ntxov uas tej hau xeev yuav kub siab los daws tej teeb meem kub ntxhov uas pheej muaj rau tej poj niam.
Tau muaj 28 tus poj niam raug tej txiv neej tsim teeb meem kub ntxhov tua tuag txij li thaum pib xyoo no los raws li lub koom haum Destroy the Joint's cov project Counting Dead Women tau qhia.
Tsoom fwv teb chaws thiaj li yuav nqes peev nyiaj $925 million rau lub sij hawm 5 xyoos los pab rau cov Leaving Violence Program rau tej neeg uas raug teeb meem kub ntxhov hauv lub cuab yig kom tau nyiaj pab thiab kom tau mus siv lwm cov kev pab cuam, kom tau txais kev pab txheeb seb lawv puas yuav raug teeb meem phom sij thiab npaj kom lawv tau txais kev nyab xeeb.
Peb yeej paub tias thaum muaj ib tug poj niam raug ib tug neeg lawv nrog nyob tsim teeb meem kub ntxhov ua rau lawv tas sim neej mas, yeej ib txwm muaj ib txhia neeg pheej hais tias, 'Ua li cas nws pheej tsis khiav tawm?' Twb vim yog nws tsis muaj lwm txoj xub kev xaiv lawm, vim li ntawd thiaj yog tej yam tseem ceeb heev uas peb tsis txhob pheej cia tej neeg poob rau tej xwm txheej uas lawv tsis muaj peev xwm yuav khiav tawm tau ntawm cov kev sib raug zoo (kev txij nkawm/kev nkauj nraug) uas pheej tsim teeb meem kub ntxhov rau lawv.Prime Minister Anthony Albanese told reporters in Canbera on Wednesday the 1st of May 2024.
Tsoom fwv thiaj yuav npaj ib co tswv yim los tawm tsam nrog tej kev tsis nyiam poj niam hauv online thiab cov kev pheej cia me yaus thiab tej hluas muaj peev xwm saib tau tej duab liab qab yooj yim.
Ces nws thiaj yuav npaj $6.5 million rau nws cov nyiaj puag xyoo uas yuav qhia rau lub 5 hlis ntuj coj los tsim ib co technologies uas txheeb kom paub tseeb txog tej neeg lub hnoob nyoog, uas muaj lub hom phiaj yuav nrog xyuas kom pov puag tau tej me nyuam yaus hauv online kom zoo tshaj qub ntxiv thiab tiv txo kom muaj tej me nyuam tau pom tej xov xwm uas yuav tsim tau teeb meem tsis zoo rau lawv kom tsawg.
Tsis tas li ntawd los tseem yuav xyuas kom tsim tau tej cai los txwv tsis pub tsim thiab tsis pub coj mus tso los yog coj mus faib tej duab liab qab uas siv technology los tsim rau lwm tus, thiab tsis tas li ntawd los yuav pib dua ib cov kev taw qhia 'Stop it at the Start' tshiab rau lub 6 hli ntuj nrab no coj los tawm tsam ncaj nqa rau tej kev tsim kev kub ntxhov hauv online thiab tej xov xwm uas pheej txhawb nqa cov kev ntxub tsis nyiam poj niam.
Tsoom fwv kuj tseem yuav tseem yuav los ua tib zoo txheeb tej content uas yuav coj los tso rau sawv daws saib kom tsis txhob pheej tso dua liab qab uas pheej tsim kev kub ntxhov rau lwm tus rau tej neeg saib kom tsawg thiab.
Ntxiv ntawd los kuj tseem yuav tsim tej cai los pov puag thiab rau txim rau tej neeg (uas pheej txhob txwm qhia lwm tus tej cim thawj, tej xov xwm ntiag tug los yog tej xov xwm ntiag tug hauv online rau lwm tus paub yam tsis tau txais kev tso cai ntawm tus tswv) thiab kho tsab cai Privacy Act kom neeg Australia thiaj muaj peev xwm ntau tshaj qub ntxiv los tswj lawv ntiag tug tej xov xwm rau lub 8 hli ntuj no.
Yog li ntawd tej nyiaj no thiaj yog cov coj los pab ntxiv rau cov nyiaj $2.3 billion uas tsoom fwv teb chaws twb tau siv coj los khiav cov hauj lwm .
Ces thiaj tau muaj lub rooj sab laj uas muaj Australia tus thawj pwm tsav thiab tej hau xeev koom (National Cabinet meeting) tom qab tau muaj ntau caum txheeb tus neeg tau mus rwg npoj tawm tsam thoob teb chaws rau ob hnub so dhau los, thiab tau nqua hu kom yuav tsum kub siab tshaj no ntxiv los daws tej teeb meem kub ntxhov uas pheej tsim rau tej poj niam .
Thawj pwm tsav Albanese tau qhia tias lub rooj sab laj no ''tham tau lus tseem ceeb heev'', tab sis yeej lees paub tias yeej tseem tshuav ntau yam heev uas tseem yuav tau los ua mas thiaj yuav daws tau tej ''teeb meem kub ntxhov rau haiv neeg no' uas pheej tsim teeb meem rau tej poj niam.
Kuv yuav txaus siab heev thaum uas peb muaj peev xwm los daws kom muaj tej teeb meem no tsawg lawm, thiab thaum uas peb tsis tham txog tej teeb meem no lawm, uas tsis ua rau tej poj niam pheej tseem xav tias lawv tseem yuav tau mus rwg npoj tawm tsam. Kuv yuav txaus siab heev thaum ib tug leej niam leej txi hais tib yam li no rau lawv tus ntxhais thiab lawv tus tub thaum lawv tawm mus ib qho twg hmo ntuj — es tsis txhob txhawj tias 'Koj yuav los ntawm chaws caij tsheb ciav hlau los tsev li cas?', 'Koj yuav los ntawm chaw nres tsheb me los tsev li cas, thiab yuav ua li cas 'kom koj thiaj tau txais kev nyab xeeb'. Thiab kuv yuav txaus siab heev thaum peb muaj peev xwm tsim kom tau txais vaj huam sib luag rau poj niam thiab txiv neej rau tej no. Ntawd ces yog kuv lub hom phiaj.Prime Minister Anthony Albanese told reporters in Canberra on Wednesday the 1st of May 2024.
Thiab tseem yuav npaj lwm lub rooj sab laj National Cabinet txog cov teeb meem kub ntxhov uas pheej tsim rau tej poj niam rau next financial quarter.
Yog tias koj los yog ib tug twg ntsib teeb meem kub ntxhov hauv lub cuab yig los yog raug yuam deev ces hu rau lub koom haum 1800RESPECT tus xov tooj 1800 737 732 los sis yog mus txheeb tau ntawm
Thiab yog tias koj ho poob rau tej xwm txheej ti tes ti taw uas yuav raug kev phom sij rau koj txoj sia ces muaj peev xwm hu rau tus zauv xov tooj Triple Zero (000).
cov program 'No to Violence', thiab hu tau rau lawv tus xov tooj 1300 766 491.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
