Muaj neeg Australia coob heev yeej cia siab rau cov kev txo se theem peb uas yuav pib siv txij hnub tim 1 lub 7 hli ntuj xyoo 2024 no tab sis yeej txawv tej xub tau them dhau los lawm, uas lawv yuav tsis tau tib zaug ua ke lawm.
Tsoom fwv cov kev kho dua cov kev txho se no yuav pab kom tej neeg khwv tau nyiaj tsawg thiab kwv tau nyiaj nrab tau nyiaj ntau zog, thiab yuav teev rau nws tej nyiaj puag xyoo uas yuav coj los qhia rau hmo zwj Quag (Tuesday) tim 14.05.2024 no.
Ces tej neeg khwv tau nyiaj txog li $90,000 ib xyoos twg thiaj yuav tau tej nyiaj los ntawm cov kev txo se no ze txog li ntawm $1,929.
Tab sis tsis yog yuav them tej nyiaj no tib zaug nkaus xwb, uas yeej txawv cov kev txo se rau tej neeg khwv tau nyiaj nrab thiab khwv tau nyiaj tsawg dhau los uas mam xam raws li tej se yuav tau them rau tej nyiaj yuav laug txog li ntawm $1000 rau ib xyoo dhau los xwb.
Johnathan McMenamin uas yog ib tug senior economist ntawm lub tuam txhab Barrenjoey tau hais tias cov kev txo se theem peb no txawv tej xub tau txo ua ntej los vim tej neeg yuav pom tias tau nyiaj ntxiv rau tej nyiaj uas lawv ib txwm khwv tau ntawd.
Yuav tau nyiaj ib nyuag tsawg dua — uas yus yeej yuav pom txhua limtiam los yog txhua hli (tsuas nyob ntawm seb tej tswv lagluam them nyiaj li thaum twg rau yus) uas tau los ntawm cov kev tau them se tsawg zog no xwb. Piv txwv li yog ib tug twg khwv tau $60,000 ib xyoos twg ces yuav tau $23 twg rau ib lub limtiam. Hos tus khwv tau $120,000 ib xyoos twg ces yuav tau nyiaj $52 ib limtiam twg. Ces thiaj yog ib lub tswv yim maj mam them nyiaj rau tej neeg tsis yog yuav them kiag ib pob rau sawv daws.Johnathan McMenamin uas yog ib tug senior economist ntawm lub tuam txhab Barrenjoey.
Yog koj xav xam tias koj yuav tau nyiaj ntau npaum li cas los ntawm cov kev txo se no, ces muaj peev xwm siv tau peb cov twj hauv qab no txheeb los sis yog txheeb raws li daim phiaj hauv qab no tau.
McMenamin tau hais tias tej neeg yeej cia siab los tau ntau xyoo lawm tias yuav tau tej kev txo se no thiab yuav tsis tsim nyog ua rau muaj teeb meem nyiaj poob nqe li cas.
Nws tau hais tias "[Tej kev txo se no] yuav tsis ua rau muaj teeb meem dab tsi li tej economists thiab tej nom tswm cai xav rau Australia tej lagluam.''
Nws tau hais tias yeej tseem muaj lwm yam tswv yim uas cia siab tias yuav coj los pab zej tsoom tej nuj nqes siv ua lub neej thiab.
Cov kev txo se theem peb uas yuav qhia tias ib tug neeg khwv tau nyiaj npaum li cas yuav tau nyiaj ntau npaum li cas los ntawm cov kev txo se no.
Pab them nqe hluav taws xob
Cia siab tias tsoom fwv yuav siv nyiaj $1.5 billion los pab zej tsoom them tej nqe siv hluav taws xob rau tej cuab yig thiab tej lagluam me.
Thiab tsoom fwv teb chaws yuav koom tes nrog nom tswv xeev los ua covhauj lwm no pab rau tej neeg uas tau nyiaj pab cuam ntawm tsoom fwv, tej laus neeg, tej neeg uas tau cov family tax benefits, thiab yuav them ncaj qha ua ib cov credit them rau tej nqe hluav taws xob no.
McMenamin tau hais tias cov nyiaj puag xyoo no yog siv coj los pab tej hauj lwm no tab sis tej zaum kuj yuav tsuas tau kev pab cuam rau tej neeg uas tsis them se xwb li tej neeg pensioners xwb.
Treasurer Jim Chalmers will hand down the Budget on Tuesday night. Source: AAP / Jono Searle
Pab them nqe ntiav tsev nyob
Tsaib no ces tsoom fwv yeej tau nce tej nyiaj pab them nqe ntiav tsev nyob txog li 15 feem pua. Uas tej kev pab no yog pab rau tej neeg khwv tau nyiaj tsawg.
McMenamin tau hasi tias tej zaum kuj yuav tau kev pab cuam me ntsi ntxiv xyoo no thiab.
Nws hais tias ''Tab sis peb paub tias yeej muaj ib co kev pab cuam los pab cov kev ntiav tsev nyob thiab.''
Tej kev txo se tsawg tsawg uas pab tsis tau dab tsi ntau
Lwm cov kev pauv hloov li cov kev hloov no tej zaum kuj yuav pab tau tej nuj nqe siv ua lub neej no thiab.
Treasurer Jim Chalmers tau qhia thaum ntxov lub xyoo no tias yuav tsis sau tej se tsawg tsawg li no rau tej khoom ze txog li ntawm 500 yam suav tej tub tsaus txias tub ntxhua khaub ncaws txij hnub tim 1 lub 7 hli ntuj no mus.
Ces yuav pab txo kom tej nqe nqus tej khoom no kom qes zog thiab yuav pab kom tej nqe muag tej khoom no pheej yig zog.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
