Key Points
- Nagwagi ang entry nina Ryan Macalandag, Reg Macalandag, Bryan Pajarito, Ahira Martin at Louis Abasta, mga miyembro ng Filipino Tech Community Canberra, na ‘Closing the Data Gap’.
- Naglalayon ang proyekto na i-review at punan ang kakulangan ng government data sa diversity information para i-improve ang financial outcomes ng mga kababaihan at bumuo ng isang accessible multi-government self-service portal for women.
- Ang GovHack ay taunang open government data competition na naglalayon na mapabuti ang serbisyo ng gobyerno at i-solve ang ilan sa mga social, economic at environmental challenges gamit ang open data ng gobyerno.
Sa ibang balita, Nagtungo sa PIlipinas sina Hon Steve Georganas MP, Chair ng Joint Standing Committee on Trade and Investment, at Hon Michelle Landry MP, Deputy Chair ng Standing Committee on Industry, Science and Resources noong nakaraang linggo para makipagpulong sa Philippine Australia Business Council at dumalo sa 31st Asia-Pacific Parliamentary Forum na ginanap sa Pilipinas mula ika-23 hanggang 26 ng Nobyembre.
Ilan sa mga tinalakay sa kanilang meeting ay ang collaboration sa pagitan ng Pilipinas at Australya sa mga sektor ng agrikultura, resources at business process outsourcing para i-enhance ang trade at investment sa dalawang bansa.
Ang pagpupulong ay follow-up sa meeting na dinaluhan nina Philippine Secretary for Foreign Affairs Enrique Manalo, Secretary of Trade and Industry Alfredo Pascual at Australian Minister for Foreign Affairs Penny Wong at Minister for Trade and Tourism Don Farrell na ginanap sa Adelaide, Australia noong Oktubre.
Bahagi ito sa kasunduan ng Pilipinas at Australya on Strategic Partnership na nilagdaan nina Pangulong Bongbong Marcos Jr at Prime Minister Anthony Albanese.
