今年6月9日SBS電台慶祝廣播45周年， 我哋亦好高興大家係陪伴咗我哋咁長嘅日子。
不過，唔講大家可能唔知，就係當年成立嘅時候，主要係以15種社區語言， 特別係一啲歐洲嘅語言開始，而且，成立嘅主要目的，係幫政府宣傳同向移民解釋政府嘅新醫療保健計劃「國民保健」Medicare。
當時執政嘅工黨魏德崙政府嘅社區關係專員格拉斯比（Al Grassby）喺1975年6月9日正式宣布電台嘅成立。當時，我哋SBS電台仲係叫2EA， 而墨爾本方面就係3EA， 當時電台只係打算運作三個月，而經費就只有3萬8千蚊。
不過，呢個以不同語言服務社區嘅意念，在移民社區係好受歡迎，同時，對電台嘅需求亦不斷咁增長。並且慢慢增加至以41種語言進行廣播。 而當時啲廣播員都係志願人士，佢哋來自各行各業， 有學校嘅老師、社會工作者、醫生， 亦有新聞嘅工作者。現時，我哋SBS電台嘅廣播語言數目經已超過60種， 到咗1994年澳洲日，SBS電台亦正式進行全國嘅廣播。 講起志願廣播員，我哋今集【大眾論壇】，亦好高興請嚟我哋廣東話組嘅前組長李潤輝先生, 同大家一齊同我哋回顧SBS電台過去45年嘅趣事，亦有很多聽眾打電話入嚟同我哋講吓對SBS電台以及廣東話節目嘅睇法，有唔少聽眾係同我哋SBS電台一齊長大，多謝大家聽眾朋友嘅支持同鼓勵。
在澳洲，所有人必須保持至少1.5米的社交距離。在室內場所，必須保持每人至少有4平方米的空間。
如懷疑感染新冠病毒，請致電家庭醫生求助，切勿直接前往醫院或診所。如有需要，請撥打 1800 020 080 致電「全國新冠病毒健康資訊熱線」。
如遇呼吸困難或緊急醫療事故，請立即致電000。
