Long episod blong Storian Blong Mi ia, bae yumi toktokt wetem wan Bislama komuniti memba we hemi tokbaot impotens blong famili mo hao hemi givhan long drim blong famili blong hem blong akjivim drim blong olgeta long saet blong athletics.
David Eggie Merick hemi kamaot aelan blong Mataso mo hemi pat makira mo waef blong Josian Tangi Merick hemi kamaot long west ambae, mo oli live naoia long Suva, Fiji. Long yangfala taem blong tufala, David mo Josian tufala I bin involve bikwan long sports long Vanuatu.
"Mitufala wetem waef mitufala involve plante long sports bifo. Long yut deis blong mi bin representem kantri long basketball stat long anda 16 I kam kasem sinia level, while waef blong mi hemi involve long volleyball wetem tim blong Penama we at one time oli stap dominatem volleyball long yumi long provincial games mo hemi bin representem tim blong Port Vila tu at wan taem, so mitufala I involve plante long sports taem mitufala stap tugeta".
Taem tufala gel, Claudie mo Chloe tufala I bon, David mo Josian I stap tinktink finis se bae tufala gel I folem foosteps blong tufala, either blong plei basketball olsem papa blong tufala David, O blong plei Volleyball olsem mama blong tufala Josian.
"Taem mifala I stap yet long Vanuatu taem tufala gel tufala stap yet long class 1 mo class 2, tufala stap participate lelepet long sports finis. Especially nao long athletics olsem long inter-house sports competition, so mi bin notisim tufala long ples ia nao, mi bin notisim se tufala I gat speed long saet blong athletics. Eventhough olsem ol parents blong tufala, mitufala basketball mo volleyball, be mi luksave long tufala se tufala gat potential blong mekem wan career long athletics folem speed we tufala stap perfom long hem long ol sports dei blong tufala".
"Taem mifala I muv I kam ia, Fiji olsem yumi save hemi wan sports kantri, especially athletics hemi wan main sports blong olgeta. So taem tufala statem primary skul long ples ia, tufala stat blong participate long inter house mo mi stat wajem tufala blong hao nao tufala fit in long saet blong speed blong tufala wetem ol pikinini long ples ia we olim o advance long saet blong trening blong olgeta. Be mi luk tufala save matchem speed blong tufala wetem ol pikinini long ples ia so mi save se tufala gat potential blong compete long ples ia".
Long Fiji, Claudie mo Chloe tufala I kontinu long primary edukesen blong tufala long Vatuwaqa Primary skul, wan skul narasaet nomo long University blong Saot Pasifik. Hemi no wan skul we i competitive tumas be taem tufala I joinem skul ia long fes fala yia blong tufala, tufala gel I winim ol fes fala medal blong tufala mo skul ia long Chow games we hemi wan primary Atlethics competition we hemi wan nasonal event long Fiji. Skul blong tufala I bin putum tufala tu insaet long netbol tim blong skul mo tu insaet long Suva U10 mo U12 tim.
"Mi toktok wetem tufala mo talem long tufala blong mifala fokas nomo long wan sports nomo. From sapos yumi fokas long tufala sports bae I tekem ap taem blong yumi mo bae I kam wetem plante komitmen mo semak taem tu bae injury tu bae I save tekem ples from netbol hemi wan kontak sport mo I save gat janis blong mekem injury we hemi no helti long athletics".
"So mifala putum tufala wetem wan coach mo rejista wetem wan club kasem taem tufala finisim primary skul blong tufala mo muv I go long secondary skul long Suva Grammar. Long fes fala yia long Suva Grammar, Chloe David I stat winim ol medal long Coca-cola games we oli stap singaot Fiji Nasonal, mo oli regardem olsem the biggest inter-secondary skul sports long southern hemisphere, we evri secondary skul long Fiji oli kam compete long hem. Long Coca-cola games tufala kam mekem headline long Fiji olsem wan long ol best athlete compete wetem, So Chloe I finisim secondary school blong hem finis mo naoia long tis yia hemi stap long Universiti blong Saot Pasifik mo naoia Claudie nomo I stap. Long last yia long final yia blong hem, Chloe I stap olsem ‘Athlete to Watch’ blong promotem competition ia".
